|
DUDNAZİRİ RECEP TAYYİP ERDOĞAN
Cinci muşi Rizini na ren Recep Tayyip Erdoğani dibadu 26 K’undura 1954-s, Mp’oli K’asimpaşas. 1965-s K’asimpaşa Piyale geç’k’apuroni n3’opulaşen, 1973-sti Mp’olişi İmami do Xatiburi Liseşen dimezunu. Çkvaneri dersepeş 3adalapeş meçamute Eyupişi Liseşenti dip’loma ezdu. Marmaraşi Universit’eş Ek’onomia do Ticareturi Çkinapeşi Fak’ult’e doçodinu 1981-s.
K’uçxeşburti isteru Camialti, İETT do Eroksporis, 1969-şen 1982-şakis. Lise do universit’eşi 3’anapes (MTTB) Turki Mamgurepeşi Nasionaluri Ok’oxtimales ixandu. 1976-s, (MSP) P’art’ia Milli Selametişi Beyoğlu filiaşi ağanmordalobaş t’ot’işi dudmaxvence i3xunu. Artneri 3’anas, i3xunu MSP-şi Mp’oliş ağanmordalobaşi t’ot’işi dudmaxvence. Diçilu Emine Xanumi k’ala 4 X3ala 1978-s. 1980-şakis qu am misiape. İdu malimobaşi servisişa 1982-s. Tuzlas notamamu rezervuli zabitobaşi gamantana. K’arargaxuri zabitot notamamu malimobaşi servisi. 1983-s goiktu p’olit’ik’aşa P’art’ia Refahis. 1984-s iqu P’art’ia Refahişi Beyoğlu ilçeşi dudmaxvence. 1985-sti P’art’ia Refahişi noğa Mp’olişi dudmaxvence do P’art’ia Refahişi Şkagururi Gonk’vataşi Oktolobaş K’omisiaşi mak’ature iqu. İ3xunu belediyeşi reisi didinoğa Mp’olişa 27 Mirk’ani 1994-s xveneri sotinuri 3xunas.
Recep Tayyip Erdoğanis 12 Xrist’ana 1997-s, Siirtis na qu ğarğalas leksi na ik’itxu şeni molaxunuşi ceza niçinu. Mp’olişi Didinoğaş Belediyeşi reisobaşenti geit’k’oçinu. Otxo tutas molaxedu. 14 Mariaşina 2001-s, megabrepe muşi k’ala gedgu P’art’ia Adaleti do Mordina. Magedgalepeşi K’omisaş k’elen i3xunu AKP-şi magedgale generaluri go3’oncğoneri. P’art’ia muşi iqu xe3ala 2002-s xveneri 3xunas, p’arlament’oşi sumişen juri mebusi mogapute. Maxkemeşi gonk’vatak emus gza na var meçu şeni var magu mebusoba 3 3’ilva 2002-şi 3xunas. Mara Siirtişi ar mebusik post’i muşi na naşku şeni, umebuseli na doskidu Siirtis, 9 Mirk’ani 2003-s xveneri 3xunas i3xunu mebusi.
15 Mirk’ani 2003-s iqu Dudnaziri. Recep Tayyip Erdoğanik, oşişen 46,6 reyi mogapute, gedgu Turkiaşi Resp’ublik’aş masumeçani xe3ala 22 X3ala 2007-s xveneri generaluri 3xunas. Çileri na ren Recep Tayyip Erdoğani otxo bereşi baba ren.
|
TÜRKÇE
