DUDBUT'K'A

AR FİLMİ: TEXİŞİ K'VİNÇEPE

Kva do let’a muşi okro ren yado na iceren Mp’olişa na dixicretu Maraşuri ocağişi p’aşura oxoi3’onapen filmis. Mp’olişi xampobapete oxampu unon ocağis; hulyape ikipan. Murenki, am hulyapeşi oxor3elinu ren meç’ireli. Maraşişi oput’eşen gamaxtimeri ocaği ren xark’i Mp’olişi ek’onomiuri 3’opxoba do çkvaneri xalk’uri skidalaşa.

Omjoreyulvaşi Eksp’resik mulun Maraş-Adana-K’ayseri-Ank’araş k’elendo. T’renik naşkumers Bakircepeşi ocaği Haydarpaşaşi garis. Anşi şuroni ren ocaği. Baba Tahir Efendi ren laneti k’oçi. Maraşis, dulyape muşi ok’ixuşi, gamaçaps dukani do p’ap’ulişen genomskide st’eğoni oxori. Ot’o tamirişi dukani gon3’k’u isimadeps. Jur morderi biç’i bere muşi Selimi do Muradik oxandapasunt’es aya dukani. Ç’it’a biç’i Kemali ren liseşen gamaxtimeri. Emus unon universit’es ok’itxu. K’ulani muşi Fatmakti nuşvels nana muşişa oxorişi dulyapes.

Çkva iptineri dğalepes kogogunes Tahir Efendi Mp’olis. Dukani okiralu şeni na meçu k’aparo goçupan. Xes na uğut’es geç’arelite gon3’k’ipan ç’iç’it’a dukani. Artikartis numxvacupan. Udodginu ixandepan. Dukani mutepeşi k’ala çkva tamirxana koren. Mance muşi ren Urumi. P’anayot Ust’a. Emus uqoun mskvalina çili, Desp’ina coxons. P’anayot Ust’aşa, dukani muşişa mumers oç’k’omalepe oxorişen. Desp’ina ikips işmarepe, muç’o Selimis toli na uğun steri. Selimi k’ala ok’oisters Desp’inak. Mskvalina Desp’inak birtum dulyaşi vaxtepes ok’oik’aten Selimi k’ala. Aşopete Selimişi mtel muşt’erepe P’anayot Ust’ak incibalups. Mara Selimis var oxva3’onen aya. Na oxo3’onu orati ren dido yano.

Muradik kogeç’k’aps taksis oxandus. Nikten birimi şofori emedeni. Ar dğas Sevali gexedun muşi mankanas. Sevalişa toli konoskidun. Sevaliti ren dansozi masumani k’lasi p’avionis. Berobaşen doni Mp’oluri qoropelişi derdi na zdips Muradi iqven zade xelineri. Murenki iguraps, Sevali Maraşuri na ren. Sevali va ren Sevali. Naciye ren. Emuşen çkva Maraşişen manz’ageri Erengepeşiti k’ulani ren. Kemali ren bedineri. Kogeç’k’aps ok’itxuşa universit’es. Hekimi iqvasunon. K’laşişen megabre muşi Ayla k’ala ok’oisternan. Kemalik emus u3’umers, xampa do Mp’oluri na ren. M3xadoba oxoi3’onaşi, Ayla dişumen. Xoloti Kemali k’ala dinişanen. Oxorişi nana, Xatice Xanumi ren misa iroras. K’ulani muşi Fatmati ren misa. Mara na ak’atu, nosişen gamaxteri megabrepe muşi k’ala nikten Fatoşi. Ç’ami nuk’atupan muşi gazozis. Xodupan eya. Mcveşi coxo muşi Fatma, ağani coxo muşite Fatoşi iqven 3’urak’a. Axiristi ti muşi iqvilups t’erasişen ot’k’oçute. Aşopete k’arta dğate ocaği kogoşibğen do kogeç’k’aps gondunus Mp’olişi skidalaş doloxe. Mp’olik na geocginu do emus jur k’urbani na meçu ocağik goikten Maraşişa.

Maktale: Halit Refiğ; Senario: Orhan Kemal do Halit Refiğ; Oz’iramuş maktale: Çetin Gurtop; Maxvene: Artist Film (Recep Ekicigil); Masağalepe: Tanju Gursu, Filiz Akin, Ozden Çelik, Pervin Par, Cuneyt Arkin, Onder Somer, Sevda Ferdağ, Huseyin Baradan, Mumtaz Ener, Muadelet Tibet, Gulbin Eray, Danyal Topatan, Mualla Surer, Muzaffer Nebioğlu, Mahmure Handan, Muammer Gozalan, Tunç Oral, Ahmet Koç, Tansu Sayin, Celal Ersoz, Tulin Elgin; Sort’i muşi: Drama; Xvena: Turkia: Nena muşi: Turkuli; Ginz’enoba muşi: 90 deik’e.



                                                                                                                                                              TÜRKÇE