|
"LAZURİ P'ARAMETEPE" COXONİ P'AŞURAPEŞİ SVARA KOGAMAXTU
Turketis eşo folklori, k’ult’ura, nena, religia, mezxep’i var na etnik'oba şeni, uideolojoni oxandupepeşi oxvenu 3ubuka var ren. Muniri Yilmaz Avcik na 3’opxu do na noç’aru, lok'aluri Lazuri-Turkuli p’aramitepeten na i3’opxineren “Lazuri P’arametepe” kogamaxtu.
Lazuri nena do k’ult’ura şeni na qu lit’erat’uruli, ilmiuri do folkloruli 3’opxunapepeten na içinen Yilmaz Avcik, 3’oxles leksi do mtini p’aşurapeten na iqopinen “Şurimşine” coxoni ar svara do xolo Turketis na gamaxtu ipti gramatik’uli svara na ren “Lazuri Nenaçkina” coxoni svara noç'areet’u. P’aramitepeşi anonimiuri do xolo lit’erat’uruli k’ult’ura k’ala i3’opxineren noç’arelepe, am svaraş doloxe dido k'aixeşa oxoi3’onen.
Lazuri p’aramitepeş doloxe, “Prensi do 3xenimuşi”, “Nanaşant'işi do P’roğoni”, “Guroni Cuma”, “Mjvabu K’ulani”, “Mapa do Vezirimuşi”, “Mkyapuşi Nosi” do “Meli do Keli” steri eşo dido mskva Laziş k’ult’ura na otanapaps do o3’irapaps p’aramitepe koziratginonan.
Ok’vanduşi t’ilifonişi nomeri : 0212 511 08 29
|
TÜRKÇE
