DUDBUT'K'A

MABESTE ALEKSANDRE BASİLAİA

Çinaperi mabeste Aleksandre Basilaia dibadu 11 Mirk’ani 1942-s. Aleksandre Basilaiak ik’itxu Tbilisişi Oxen3ale K’onservat’oriaşi k’ont’rabasiş burmes. Uk’açxeti iqu ak’t’iuri Sovieturi Okortuleşi sahnes 1963-s. Go3’vancğonet’u p’op’ular musik’aluri grup’i “İveria”s. Aya ren beciti musik’aluri grup’i Okortules. Aleksandre Basilaia rt’u Okortuleşi xçetomonuri art’ist’i do Tbilisişi xçetemonuri dobadonari, na ğuru tarixişakis. Aleksandre Basilaiak ç’arupt’u p’op’ulari musik’a do filmepeşi birapapeş t’ekst’epeti.

Aleksandre Basilaiak k’idu ar grup’i 1968-s, namuşi coxo mulut’u antik’uri Kortuli oxen3ale “İveria”şen. Aleksandre Basilaia arxvala beciti mabeste var edo xolo xeşnobaşi maktaleti rt’u. Emus uğut’u p’op’i, raki do cazişi çinaperoba, namuk na gamulut’u dobadonaşi ananuri musik’aşen. 1980 tarixoni “Xçeqvarepeşi ocağoba”, 1982 tarixoni “Argovnat’epe”, do muşi masumani xvena “P’irosmani” isahninu hemi Okortule do hemiti Rusiaşi Federasionis 1996-s. Aleksandre Basilaiaşi çodina xvena “Armutxa diçodu” isahninu mk’ule oraş 3’oxle, namuk na ğuru 3 Gimua 2009-s.



                                                                                                                                                              TÜRKÇE