|
AR FİLMİ: "MALİME RAİNİŞİ MOŞLETİNU"
Majurani kianuri limas do Normandiaşi cepes voret. Malimepeş ğuraşi ambarepe moxvalot ocaği mutepeşişa meçamuşi odulyobas na ixandeps malimuri ofisişi timçxuk z’irops uşigneri do uz’ireli ar xali. Artneri k’eraşcoxo na uğun, artneri nana do babaşi sum biç’i bere na ğuru koz’irops. Artneri ocağişi maotxani bereti armias na rt’u oxo3’onuşi, ambari meçaps timçxupe muşişa. Sardalepek geçinadumernan maotxani biç’i iz’iras yado. Maotxani biç’i iz’irasunon, astaxolo armiaşen iterhisinasunon, uk’açxeti nana muşişi oxorişa mendiçkvinasunt’u. Murenki, am dulya meç’ireli rt’u. Muşendo Amerik’aşi armia ren Avrop’as, Normandiaşa gextimu şeni. Amuşen met’a maotxani biç’i namu divizias rt’u içkinet’u tina, em divizia so na rt’u var içkinet’u.
Maotxani biç’iş ogoru, oz’iru, na rt’u sotişen ezdimu do nana muşişa saği oteslimu va ren perpu, meç’ireli ren, mencelişgale ren. Am mtinoba içkinet’u tina, P’ent’agonik am dulya na axvenasunt’u dudoşi John M. Millerişi sardalobate, muşiuri xemasterale ar divizia 3’opxups. Am diviziak kogeç’k’aps dulyas. Na dvaç’irt’u vaxtis muç’o Amerik’aşi malime steri, na dvaç’irt’u vaxtis muç’o p’art’izanepe steri, na dvaç’irt’u vaxtisti muç’o mt’eri steri oxonk’anute maotxani biç’i, James Raini moşletinu şeni k’arta gza i3aden. Moro hemindos James oz’iruşi gzape na gorupt’u diviziaşen ğurelepe, yaranerepe do gondunerepeti iqvasunt’u. Filmişi ipti 20 deik’es Normandiaşa yextimuşi onç’eloni sahnepe go3’idginen.
Maktale: Steven Spielberg; Maxvenepe: Steven Spielberg, İan Bryce, Mark Gordon, Gary Levinsohn; Senario: Robert Rodat; Musik’a: John Villiams; Sinemat’ografia: Janusz Kaminski; Edit’ori: Michael Kahn; Studio: Amblin Entertainment; Masağalepe: Tom Hanks, Tom Sizemore, Matt Damon, Edvard Burns, Jeremy Davies, Barry Pepper, Giovanni Ribisi, Vin Diesel, Adam Goldberg, Dennis Farina; Ginz’enoba muşi: 170 deik’e; Dobadona muşi: Amerik’aşi Ok’ont’aleri Oxen3alepe; Nena muşi: İnglisuri; İptineri oz’iramuşi tariği: 24 X3ala 1998; Butçe muşi: 90.000.000 Amerik’anuri dolari.
|
TÜRKÇE
