|
MABİRE DİANA ĞUR3'K'AİA
Mabire Diana Ğur3’k’aia dibadu Abxaziaşi nananoğa Soxumis, 2 X3ala 1979-s. Abxaziaşen çveri Diana Ğur3’k’aia ren utole dobaderi do andğanerdğas Mosk’ovas skidun. Doçodinu Tbilisişi utolepeş dogurale gecginate 1995-s. İrma Soxaz’ek Tbilisişi filarmoniaş sahneşa gamoçkvuşi, Diana Ğur3’k’aia mamgure rt’u geç’k’apuroni dogurales. Maseyrepes eya İrma Soxaz’ek noçinapu. Diana Ğur3’k’aiak “Yalta-T’ransi’t-Mosk’ova” coxoni ok’oç’işobaşa ak’atu 1995-s. Edo niçinu emus gecginaşi p’rizi jurişk’elen. Artneri 3’anaşi doloxe, ok’oiçinu Rusuli k’omp’ozit’ori İgor Nik’olaevi k’ala. Aşote Rusiaşi sahnepes kogeagu. Diana Ğur3’k’aiak Amerik’uri maseyrepeşati ibiru Nevyork’işi çinaperi Madison Square Gardenis. 2000-sti amaxtu Gnesin Musik’aş İnst’ut’işi vok’aliş burmeşa do dimezunu ekşen. Diana Ğur3’k’aiaşi iptineri albumi ren “Si ak re” (2000). Majurani albumi muşi ren “Si kogiçkin, nana” (2003).
Diana Ğur3’k’aiak amaxtu Rusiaşi Teat’ri do Xeşnobaşi Ak’ademiaşa 2004-s. Diana Ğur3’k’aias niçinu Aziz Barbaraşi medali Uk’rainaşi ek’lesiaş k’elen 2005-s. Artneri 3’anas, Ruxnameşi okroş medali niçinu Turkmenistanişi p’rezident’i Saparmurat Niyazoviş k’elen. Rusiaşi Federasioniş p’rezident’i Vlademir P’ut’inikti, Rusiaşi xçetomonuri unvani meçu 2007-s. Okortuleşi p’rezident’i Mixeil Saak’aşviliş k’elenti emus xçetomonobaşi medali niçinu. Diana Ğur3’k’aiak doloç’aru disk’epe duet’i oxvenute, Ray Charles, Toto Cutugno do Demis Roussosi steri mabirepe k’ala. Pyotr Kuçerenk’o k’ala kimoceri Diana Ğur3’k’aias uqonun K’onst’ant’ine coxoni ar biç’i.
|
TÜRKÇE
