DUDBUT'K'A

AR FİLMİ: ĞURELİ MALEKSEPEŞİ OK'OXTİMALE

Filmik oxomo3’onapapan 1959 3’anaşi oğodape. John Keatingi ren ç’aralobaşi muvafak’i mamgurapale. Dido disip’linoni biç’uri dogurale na ren Velton Ak’ademiaşa mendiçkvinen mamgurapalot. John Keatingi ren çkvaneri muşiurobape na uğun ar mamgurapale. Ç’aralobaşi mamgurapale ren mara dogurales na ogurasunon ç’aralobaşi svara ugagnaponi ren ya u3’umers mamgurepes. Kogeç’k’aps oxaruşa ç’aralobaşi svaraş but’k’ape tito- tito. Mamgurepekti emusteri ikipan. Mtini gi3’vat na, ofisialuri noktineri, onz’ğoneri ç’araloba vardo tabiuri, oxoşkveri na ren ç’araloba oguru unon. K’oçi oxoşkveri noktasunon yado na icers ç’aralobaşi dersi 3’opxups. Mamgurepe aşote oxoşkveri iqvasunonan yado isimadeps.

Didote ocaği mutepeşiş do sosialuri meç’irobaş tude na skidun mamgurepek z’iropan, em oraşakis na igures mutxanepes k’imeti na var uğun do ti mutepeşis na var ipels. Ç’araloba do leksi, majura mutxanepeşen çkvaneri, mskva do maanoni na ren, entepes oguruş gzalepe gorups John Keatingik. Mamgurepek kogeç’k’apan oxo3’onus, dudişen arçkva nosite na dibades do em oraşakis çkar mutu na var t’es. Mamgurepek, m3udişi skides yado na icernan 3’anape do na skidasunonan 3’anape maanoni noktinu şeni, ti mutepeşiş oağanu dvaç’irnan yado icernan. Muç’o eşo religiuri rit’ualepes na nungaps ok’oxtalepe ikipan. Mk’ule oraşk’ule, mamgurapale John Keating do muşi mamgurepe aforozi ixvenenan ak’ademiaşi oktalaş k’elen, Velton Ak’ademiaş filosofiaşa moxva na va ren am dersepeşi sebebite.

Maktale: Peter Veir; Maxvene: Steven Haft, Paul Junger Vitt, Tony Thomas; Senario: Tom Schulman; Musik’a: Maurice Jarre; Masağalepe: Robin Villiams, Robert Sean Leonard, Ethan Havke, Kurtvood Smith, Josh Charles, Gale Hansen, Dylan Kussman, Allelon Ruggiero, James Vaterston, Norman Lloyd, Alexandra Povers; Dobadona muşi: K’anada, Nena muşi: İnglisuri; Ginz’enoba muşi: 128 3’uti; İptineri o3’iruşi tarixi: 2 Mbulora 1989.



                                                                                                                                                              TÜRKÇE