|
GOQVİRONİ XİLA ANANASİ
Ananasi (Ananas comosus), ren ananasurepeşi (Bromeliaceae) familiaşen. Çxvapa dobadonapes monorde mzguda do muşi xilas am coxo geidvinen. Ananasişi dobadona ren Omjore Amerik’a. Ananasişi xila ren mçxu, mskva şuryani do nostoneri. Jin muşis uğun ar mxeşi but’k’a. Jean de Leryiş k’elen 1555-s Brezilias noz’ire ren yado icerinen. Ekolenti Brit’ania do Frangiaşa moğineri ren ya itkven.
Ananasi ren 3’opxineri 30- 40 k’evi do nz’eli but’k’ate, namuk na go3’k’ondups mçxu do xor3oni xura. Çiçku ananasişi p’rot’einik, maxazme enzimi bromelaini k’ala nuşvels oxazmus. Xuraşi txomuri do k’ropepeti om3ikanaps. Ananasi ren pelaperi sinuzit’i, ğarğalidaşi txomuri, gutişi zabunoba, mem3xvalaşi txomuri, oyaralu varna ameliyatiş k’uleni ok’auşi p’eriodepes. Ananasis na uğun xampa vit’amini “B”-k t’k’ebi ot’enaps do tomati oçxant’inaps. Amuşen met’a, ananasi ren pelaperi st’resiş omendranu do naxondinuşi sist’emaş omencelus. Ananasi ren manganezişi odude. Manganezi ren k’ofakt’ori, energia omralu do ant’ioksidanuri dudoçvaloba şeni na dvaç’irs ardido enzimite. Ananasi xampa ren xoloti, energia omralu do enzimat’iuri reaksionepe şeni na dvaç’irs “B” vit’aminepe na renan tiamini do riboflaviniteti.
Ananasik om3ikanaps yaği xuras do aşote dork’inapaps k’anserişi risk’i. Ananasik om3ikanaps gurişi k’roneri zabunobapeş risk’i, lifoni ar xila na ren şeni. Z’ğeri yağişi nispet’i do k’olest’roliti om3ikanaps. Ananasik xuras sodiumişi nispet’i om3ikanaps. Aşoteti om3ikanaps mağala t’ansionişi risk’i.
|
TÜRKÇE
