DUDBUT'K'A

UÇAZOĞAŞİ DİDMSKVANOBA: SUMELAŞİ MANAST'İRİ

T’rabzonişi Maçka coxoni noğaşi 17 km. omjores, Altindere coxoni oput’es na ren, Meryem Ana (Panagia) coxoni ğalişi gyulva k’ele, Mela coxoni germas, zoğaşen 1,150 m. mağalobas na ren kvaepe gamaxvuten do nat’urali didğormapeti oxmaruten xveneri na ren Sumela, Anatoliaşi irişen beciti Ortodoksuli eklesia ren.

Kianaşi çkar dixas mengaperi muşi na var uğun Sumelaşi Manast’iri, ilmiuri çkinapeşi toliten mavitosumani oş3’anuras k’ideri ren. T’rabzonişi Sumelaşi Manast’iris, T’rabzonuri Kommenosepeşi coxoten na içkinen do 1204 tariğis T’rabzonis na eçkindu Kommenosepeşi P’rensobaşen III. Aleksiosişi orapes (1349-1390) becitoba muşi manz’inu do fermanepeten parape niçinu.

Sumela, Rumuri nenaten m3’k’upi, uça asti na ren “melas” metkvaleşen mulun. Uçazoğoni Kristiani Rumepek Mela coxoni germas mucizeuri Panagia ik’onişen ar mutxani ak’vant’aşi "stou mela" zopo’ont’erenan, am metkvale oraş doloxe Sumelaşa guikteren. Ati ik’onişa muşeni “Panagia Soumela” na itkven oxo3’onapaps. Amuşeni manast’irişa “Uçagermaşi (Melaşi germa) k’ulani” ti itkven.

Sumelaşi Manast’irişa mt’k’aşi doloxe na ren gzaşen k’uçxeten gverdi saat’is eşilen. Otxoneçdoovro gebaz’goni kvaşk’vataten na amilen manast’irişi amaxtimuşi marz’gvanişk’ele "Sumelaşi svarepuna" ç’areli bibliot’ek’a ren. Ayazma (agiasma) ti, amaxtimuşi k’vazalişk’ele xvameri do na işven 3’k’ari ren do 100 met’re mağalobaşi kvaepunaşen 3’apups. 3’oxleni orapes ç’eri muşi pi3arişen rt’u yado na oxoi3’onen am binas, dido svarape işinaxet’u. Mavitoovrani oş3’anuras na gamaxtu ar oç’vaşi sebebiten didopeten svara do ğirsoni dok’ument’epe diç’veren, na moişletinupeşen namtinepe işinaxeren do namtinepeti guindineren. Didi eklesia fresk’epeten ğareli ren. Doloxeni didğormaşi omjoreşk’ele kvaepe gamaxveri k’idaşi hucre ren. Gale mavitoovrani oş3’anuraşen noskide Kapella coxoni ar eklesia ren. Eklesiaşi xolos yulvaşk’eleni amaxtimuşi gzas, manast’irişi zarişi dudira ren do emuşi xolos 3oda gamağuşi burme ren.

Manast’irişi k’omp’lek’sişi doloxe ç’k’omaşxana, ogyare, keşişepeşi odape, xvameri 3’k’ari do kvaşi eklesia ren. Manast’iris jur burme uğun. Maartani burme maartani xveneri na ren burme ren do oxvameşi doloxe do gale İncilişen ezdimeri temapeşi fresk’epeten mo3’ipxeri ren. Majurani burmes, onciruşi odape, salonepe, svarepunape, bağupe do çeçmepe na uğun otxo k’at’i uğun.



                                                                                                                                                              TÜRKÇE