|
NENA-İST'ORİA-K'ULT'URA MUTEPEŞİTEN LAZEPE
Turketis generalur ofi3ialuri tezepeşa arm3ika çkvaneri o3’k’omiluten originali do moşletineri ar xanda oxvenu dido meç’ireli ren. Anatolias folk’lori, k’ult’ura, nena, religia, mezxep’i varna et’nisit’eşi jin ideologiapeşen goşo3xuneri lok’aluri ar xanda oxvenuşi meç’iroba oçkinuten aşo ar dulyas na amulun k’oçepe, “guroni k’uçxe” ot’k’oçuten molişinenan.
Xvala ilmiuri do k’oçinuri gagnapeten, Anatoliaşi irişen peroni do çkvaneri ar folk’louri minobaşi mance na renan Lazepe şeni, origini na iqvasunon ar xanda oxvenu na unon magoşogore-maç’are Ali İhsan Aksamazik, “Nena- İst’oria- K’ult’ura do Trade3ia Mutepeşiten Lazepe” coxoni svara gamaçkvineren.
Dido 3’anaşen doni Temelişi anek’dot’epeten na molişinen varna ofi3ialuri simadapeşi do namtini ideologiapeşi angajmanis na doskideren manip’ulat’iuri xandapeten na moivarinen K’avk’asiuri cinconi am xalk’işi xanda muşis Aksamazik, Lazepe nena, ist’oria, k’ult’ura do tradi3iape mutepeşiten xes eç’operen do temas mçire o3’k’ederen.
“Alboni”, “K’avk’asiaşen Uçazoğaşa Lazepeşi İst’oriuli Magzaloba”, “Yulva Uçazoğas Mit’ologia, İst’oria do K’ult’ura”, “Yulva Uçazoğaş Ofi3ialuri İdeologiapeşi Blok’ade” do “Nananenaten Dogurinu do Ç’it’a Xalk’epeşi Hak’k’epe” coxoni svarepeti na uğun Ali İhsan Aksamazi, magoşogore minoba k’ala xolo ar linguist’i do mamgurapale ren.
Aksamazişi “Lazepe” coxoni svaras, “Osmanuri İmp’eria do Lazi Feodalepe”, “ Muslimani Lazepeşi Osmanuri Dixapeşa Moxtimu”, Na Goiktiren Sinorepe do Muslimani Lazepe”, “Paganobaşen Kristianobaşa, Kristianobaşen Muslimanobaşa Lazepe”, “Lazuri-Margaluri-Turkuli Leksik’oni” steri dido onç’eloni temape uğun.
Ok’vanduşi t’ilifonişi nomeri: 0212 511 08 29
|
TÜRKÇE
