|
TANORAŞİ İNST'RUMENT'İ: DENİZLİŞİ MAMULİ
Denizli Gyulva Turketişi mskva noğapeşen ar teri ren. Denizli mendi indust’ria muşiten çinoberi ren. Am mcveşi noğa, mamuli muşitenti çinoberi ren. Na içkinen steri, “horoz” Farsuli ar metkvale ren.
Denizlişi semboli na ren Denizlişi mamuli, peri do xura muşişi st’rukt’ura do axengi na uğun mskva do ginz’e obiru muşiten svaloni ar rasa ren. Denizlişi mamulis uça tolepe uğun do entepe golasveri ren. K’uçxepe muşi m3’k’upi bresti varna monoğe ren. Kran3’eli muşi burç'uli steri iqven. Quci muşi mç’ita varna mç’itaş jin xçe ç’ereli ren. Uça do leboni xçe ont’aleri ren. Namtini mamulepes msvape mutepeşis jin k’aveşperi goşant’aleri uğunan. Xçe mamulepes uğunan uça-xçe ont’aleri perepe. Şuroni ar mamulis 3-3.5 kg. monk’anoba uğun.
Denizlişi mamulepes, perepe mutepeşi, xuraşi st’rukt’ura mutepeşi do kran3’eli mutepeşiten sumi t’ip’i uğunan. Perepe mutepeşiten na viçinopt mamulepes aşi t’ip’i uğun. Coxope mutepeşi Turkuliten aşo svareli renan: Demirkir, Pamukkir, Kinali, Al, Siyah do Kurklu. Xurape mutepeşi st’rukt’uraten na viçinopt mamulepesti sum t’ip’i uğun. Am t’ip’epesti Turkuli coxope uğun: Yuksek boyun, Sulun do Kupeli. Denizliş mamulepeşi xonarepesti t’ip’epe uğun: Mç’ipe xonaronepe, Davuduri xonaronepe do Mçxu xonaronepe.
Denizliş mamulepeşi ok’irupe, mteli xvenoba mutepeşi oz’iramuten iqven. Ok’iruşi moment’is, entepes na uğunan p’ozi3iape k’ala na molişinen coxopeti uğunan. Am coxopeti aşo renan: Lomişi ok’iru, Mgerişi ok’iru, Guroni ok’iru, Zifozişi ok’iru. Denizlişi mamulis kap’et’i kuçxepe, ginz’e qali, menceloni uba, mçire do ginz’e k’udeli aqven. Denizlişi mamulepes maartani 3’anas, ok’iruşi ginz’enoba 20-25 sanie k’onari aqvenan.
Denizliş Xaçkuri Direkt’orobak Denizlişi mamuliş jin tirtinaps do emuşi omralu şeni ixandeps. Na imralen mamulepe, na unonanpesti gamiçinen.
|
TÜRKÇE
