|
YAHUDURİ GAZETA ŞALOM
Şalom, siaset’uri do k’ult’uruli gazetae do St’amp’olis dolonis art gamiçkvinen. Şalomi, İbranuro “mo3’qva” tkvalae do Turkialuri Yahudepeşi arxvala gazetae. Gazeta Şalomi 1947 3’anas magazete Avram Leyonişk’elen geik’idu. Avram Leyonik, 1984 3’anas gamaçkvale Gozlemiti gek’idu. Gazeta Şalomi, k’arta cumaçxas gamiçkvinen do Turkulo geiç’aren. T’iraji muşi art dolonis tak’ribi 5.000 k’onarie. 2005 3’anaşi Mirk’ani tutaşen doni jur dolonis art, Ladino (Judeo Espanyol-Yahudepeşi Esp’aniuri) nenas art mem3xva (El Amaneser) gamoçkumers.
Gazeta Şalomişi oktalaşi şkaguri, Atiye Sokak, Polar Apart’mani No 12/6, Teşvikiye-St’amp’oli adresis gedgin. Gazetaşi mance, Gozlem Magazetaloba Matbuat’i do Gamaçkvaşi A.Ş. oktalaşi heyetişi dudga, avuk’at’i Yakup Barokasie. Gazetaşi gamaçkvaşi umumi maktaloba İvo Molinasik, gamaçkvaşi k’oordinat’oroba Virna Banastey Gumuşgerdanik, ç’araşi dulyapeşi mesuli mudiroba İşik Sivil Karakoçik xvenups.
|
TÜRKÇE
