|
LAZİSTANİŞİ MOŞLETİNUŞİ REÇETA
T’erit’oriaşi xalk'ik dido oraşen doni, çai do txiri steri ar ç'eşidi agrik'ult'uraş p'roduk3ia, agrik'ult'ura şeni dobağine va uğun dixa mutepeşiş u3'ori oxmaru, eşo k'oçepeş ç'it'aşi firmapeşi dodgimoba mutepeşiş k'ai va oqopinoba mutepeşi, do xolo Lazistaniş t’erit’oriaşi so3ia-ek'onomiuri uordoba, Lazistaniş noğapeşi k'oçepe do manz'ageri k'oçepeş udulyoba do çkva noğapeşa oxtimuş p'roblemişi doloxe amiqonops. Lazistaniş t’erit’oriaşi k'oçepe şeni çkva noğapeşa oxtimuş çodinapa do t’erit’oriapeşkas, didinobaş çkvanerobaşi oç'it'anuşi ar p'lani dvaç'irs. T’erit’oriape şeni ek'onomiuri p'olit'’ik'ape, ağaneburot o3'opxinuti dvaç'irs xolo eşo ordoşen.
K'ademeuri nisp’et’i oğodobate oxvenobaş regimis revizia oxvenuşi ren do ora muşisti oginz'anuti dvaç'irs xolo. St'rat'egiuri sek't'orepe do gamaçamuşi mat'erialepeş ç'eşidepeş ağaneburot oxo3'ona mutepeşiti dvaç'irs xolo. Oxvenoba şeni k'rit'ik'epe, irişen dido k'ap'it'alişi rak'ami do firmapeşi rak'amepe eşo 3'oxlenoburot ordoşen oxo3'onapu dvaç'irs. Ticaret’i oxvenu şeni geç'areliş gedumu, indust'ria do k'oçepe şeni xeşmencelobaş envant'erepe ağaneburot oxvenuşi ren. Ticaret’i şeni firma na gon3'k'ips k'oçepe şeni bojiş omk'ulanoba, st'rat'egiuri 3'oxlenobapeşi k'rit'iğepe şeni mtiniş3'k'ortolepenurot p'roduk3iaş dulyapeş oxvenu şeni geç'areliş gedumepe ağaneburot xolo gyoç'k'imapu dvaç'irs. Galeni dobadonamepes gamaçamoni gamiçinent'aşi hukumetik oxvenoba şeni na va yezdips magamaçamalepes na dvaqvenan % 18 rak'amoni p'ozit'iuri bojiş jin gedumalurot regimişi odidanu şeni, k'ap'et'işi t’ek’nologia do menceloni mark'anoburot
gamaçanopeş p'roduk3iaş oxvenu do xolo entepe galeni dobadonepes gamaçamu dvaç'irs do aşopeten T’erit’orialuri Ağaneburot St'rat'egiaşi o3'opxinu dvaç'irs.
Lazistaniş t’erit’oriaşi odidanu, met’ak’sişi gzaşi ist’oriuli misia muşişi osağu do t’urizmişi odidanute iqven. Jilentunaş dobadonepe şeni, GAP i do Oşkenuri Yulvaş şkas xinciş oqopinobaş osimadoba dvaç'irs. Lazistanis t’urizmi şeni oxvenobaş sist’emi dvaç'irs, t’erit’oriaşi oteli do moteli steri do xolo tudeni st’ruk’t’uraşi udobağinobaş çodinapa dvaç'irs. Mxuçi meçamuşi p'olit'ik'apeten firmapeş p'ot'an3iapeşi odidanu do entepeşi p'ozit’iuri dulyaş oxvenobaşi p'rensibi yezdamurot t’urizmişi sek’t’oriş jin dodgitumu dvaç'irs do xolo am sek’t’ori şeni k'ai gamantaneri k'oçepeşi mogamuş jin dodgitumu dvaç'irs. Rek'lamepe k'ala t’erit’oriaşi do noğapeşi p’ot’an3iaşi odidanu şeni sek’t'oruli fuarepeş o3'opxinu xolo Basraşi zoğap'icis do majura ek'onomia muşi didi Arabuli dobadonepe k'ala cuma noğaş 3'opxunurot ak'itepeşi oxvenu dvaç'irs do am dulyak t’urizmişi odidanus dido nuşvelasunon do xolo am sek’t’oris dinamizma mogapasunonan.
Lazistanis t'urizmiş t'k'va3oba do t'urizmişi didinoba, ordamu do ticaret’işi odidanu şeni k'araviş didskelepeşa, Kianuri Ticaret’işi Ok’rebule do logist’ik’aşi jin mç'ipaşaşi dodgimoba dvaç'irs. Rusia do Uk'rainaşen Oşkenuri Yulvaşa, ticaret’işi odidanu şeni jilentuna-3'alentuna k’inaşgzaş xat’i ordoşen p'rogeti muşişi oxvenu dvaç'irs. Lazistaniş gamaçamonepe; Okortura, Azerbaicani do Armeniaşa do ekşenti Sibiriaşakis mendağumu şeni na dvaç'irs Sarpi do Batumiş şkaşi doloxe oxvenu na isimadinen 28 k'ilomet'roni k'inaşgza p'rogeti ordoşen dvaç'irs çodinapa muşi.
Ok’iduşi sek’t’oris Lazistanişi t’erit’orias dido mç'ipaşaşi do beciti dodgimoba uğun. Lazistanişi doloxe k'arta 3'ana şeni ar k'oçis na anç'en geç'areliş arit’met’iuri rak'amişi % 33 am sek’t’orişen mulun do xolo mtelixolo Lazistanis na ixandeps k'oçepeşi % 12 -k am sek’t’oris ixandeps, mara Lazistanişi am sek’t’oriş doloxe dido p'roblemepe koren do Lazonurepek am didi p'roblemepe k'ala mç'ipaşaşi ibodenan. Ofisepeşi bojepe, 3'oxle % 33 rt'u, em oras st’op’ajik % 5 rt'u. A3'i ofisepeşi boji % 20 -şa kogiğinu mara st’op’ajişi bojik xolo % 5 ren. Eşo dido ordoşen st’op’ajiş boji % 2 -şa geğumu dvaç'irs.
|
TÜRKÇE
