|
P'RİGURAPAŞİ MAARTANİ SİNİFİŞİ LAZURİ SVARA
P’rigurapaşi maartani sinifişi Lazuri svara, Alboni coxote, Abxaziaşi Soviet Sosialist’uri Muxtari Cumxuriet’işi Oxen3aluri Gamaçkumaleş k’elen 1935 3’anas nananoğa Suxumis, İskenderi 3’itaşi coxote gamiğinu. Am svaras Lazuri nenaşi ç’areli noktinus dido beciti roli uğun do bilasa Lazi berepeşa Lazuri nenaş ok’itxu-oç’aru oguruşi misionite ixazirineren. Am dersişi svara Sovieturi Artobaşi p’rigurapaşi maartani sinifişi mufredatişa moxva ren do berepeşa 3’oxle Latinuri bonconi Lazuri alboni igurinen. Albonişi ogurinuş k’ule ok’itxuşi metnepe k’ala Lazuri nenaşi oç’aruş mahareti niçinen. Dersiş svaraşi çodinasti xeşnoç’arepe muşi k’ala Lazuri alboni gez’in. Am dersiş svaraşi Suxumişi Oxen3aluri Osvaraleşen ezdimeri artneri gamaçkva, Gimua 1994-s St’amp’olisti gamiğinu.
K’avk’asias Lazuri steri uç’araloboni nenapeşi ç’areli noktinuşi p’rosesi, 1920-oni 3’anapes geoç’k’u. Am nenapeşi albonepe iptineri devres Latinuri albonite moirdu do am nenapeşi k’ult’uruli muxtaroba geoç’k’u. Uk’açxeni devres am nenapeşen namtinepeşi albonepe K’iriluri albonişa niktirinu do k’ult’uruli muxtaroba mutepeşi naqonu mara Lazuri nena, k’ult’uruli muxtaroba muşi eç’k’odineri nenapeşen arteri iqu. Sovieturi Artobaşi doloxuşi devres, Lazepeşi k’ult’uruli hak’epe uğut’esşi 3’anapes gamaçkvineri svarapeti kogamiçkinu. İptineri devres Sovieturi Artobaşi dobadonari Lazi berepek, mutepeşi doguralepes nananenaşi dersepe igurapt’es. İskenderi 3’itaşi, Lazuri doguralepeşi mudiri rt’u.
|
TÜRKÇE
