DUDBUT'K'A

HİKMET ALİ KİVİLCİMLİ

Hikmet Ali Kivilcimli, k’omunist’i lideri do mak’urame, maç’are, magamaçkve do magoktire ren. 1902 3’anas Priştines dibadu. Baba muşi Priştines p’osta telgrafişi mudiri Xuseyin Begi, nana muşi Munire Xanumi ren. 17 3’aneri rt’uşi mamgurot oxoşkvaşi limaşa ak’atu, Yoruk Ali Efeşi çetes K’uvayi Milliyeşi mamgure iqu, Koyceğiz K’uvayi Milliye Askeruli K’umandanoba qu. Vefa Lises ik’itxuş k’ule imtihanite St’amp’oli Tibbiyeşi Fak’ult’eşa amaxtu. Mamgurelobaşi devres nodgitaşi dulyapes naqonu.

K’urtuluş, Aydinlik steri TK’P’ gamaçkvapeşi gzate k’omunist’uri simadape k’ala ok’oiçinu do 1920-oni 3’anapeşi geç’k’alas Turkiaşi K’omunist’uri P’artiaşi (TK’P’) mak’ature iqu. 1925-s TK’P’-şi Beşiktaş Akaretleris xveneri 2. k’ongres TK’P’ Şkaguri K’omit’eşa i3xunu. Şkaguri K’omit’es ağanmordepeşi mesulot vazife aqu. Artneri 3’anas gazeta Aydinlikis iptineri ç’arape muşi gamiçkvinu. 1925 3’anaşen skidala muşişi çodina şakis iroras itak’ibinu, işkence iğodinu do 22,5 3’ana molaxedu. 1925 3’anas Kurdepeşi yedgitaş k’ule Takrir-i Sukunişi K’anoni gamiğinuşi İstiklalişi omtinales imuhakeminu do 10 3’ana xop’e o3’in3’uşi ceza niçinu. Art 3’ana molaxeduş k’ule oxarsuvute nişkvinu. 1927 3’anas Vedat Nedim Torik do Şevket Sureyya Aydemirik p’art’iaşen ok’oi3’k’es do p’art’iaşi arkivi p’olisişa meçesşi p’art’iaşi majura mak’aturepe k’ala iç’opinu. Sum tuta molaxedu. 1929 3’anas İsmail Bilenişi İzmir davaşi p’rovok’asionişi sebebite 4,5 3’ana molaxunuşi ceza niçinu.

1938 3’anas Nazim Hikmeti k’ala imuhakemeri donanmaşi davas 15 3’ana molaxunuşi ceza niçinu, 12 3’ana molaxeduş k’ule kogamaxtu. 1954 3’anas legali Vatan P’art’ia gek’idu. 1965 3’anas Tarixuri Mamaddeloba coxoni gamaçkvale gek’idu do oktalu. Marksi, Engelsi do Leninişi noç’arepeşen didope goktiru do gamaçkvu. Das K’ap’it’alişi art burme goktiru. 1967-s Udulyaloba do Paxalobas Nodginuşi Ok’oxtimale (İPSD) gek’idu. İktisadişen ant’rop’ologiaşa, Marksist’uri simadaşi tarixuri do t’eoruli omordinuşi oxo3’onapaşa do Turkias madulyuri sinifişi gektalaşi st’rat’egiuri do taktik’uri meselepe şakis çkvadoçkva temapes dido telifuri noç’ares do Aydinlik, Turk Solu, Sosyalist, Ant steri jurnalepes mak’alepe muşi gamiçkvinu. İrişen beciti noç’are muşi, namut svara Tarixişi Tezi 1965 3’anas, svara Gza: TK’P’-şi Tenk’iduri Tarixiti 1932 3’anas gamiçkvinu. 1971 3’anas monk’a zabuni rt’u şeni gzamşinepe muşik oşvelu şeni vatanişen galeşa iqones. 11 Gimua 1971-s Belgradis doğuru.



                                                                                                                                                              TÜRKÇE