|
SVACOXO-LAZONAŞİ DİXAPEŞ ZİT'APUNA
Svacoxo-Lazonaşi Dixapeş Zit’apuna, İrfan Aleksiva do İsmail Avci Bucaklişiş k’elen ixazirinu do K’olxis-Lazuri K’ult’uraşi Ok’oxtimaleş Gamaçkvaleşen 3’ilva 2009-s St’amp’olis gamiğinu. Svaraşi k’ilifişi dizaini Mustafa Sonbayik xvenu. Svaraşi geç’k’alas dixapeşi coxopeş semant’iuri, morfologiuri, et’imologiuri analizepe ixvenen. Uk’ule dobargaluro do albonuro dixapeşi coxope geisvaren. Svaraşi çodinas Okortuleşi t’op’onimepe nim3xvinen.
Svaraşi k’ap’ulaşi k’ilifis antepe noç’ars: “Dixapeşi coxope şilyadoşilya 3’aneri tarixuri, nenaluri, sosialuri anderi andğanerdğaşa nunç’işinaps irişen beciti k’ult’uruli nişanepeşen arterie. Svacoxo-Lazonaşi Dixapeş Zit’apuna, dixapeşi Lazuri coxopeş ok’orobu, doloç’aru, Lazepek dixapes muç’o ucoxopan oxo3’onu şeni ixazirinu. Am xandate, Atinas, Art’aşenis, Vicas, Vi3’es, Arkabis, Borçxas do Xopas dobargeri Lazepeşi oput’e, mezra, ğali, gola vana let’a, anç’a steri umosi ç’it’a geografiuri fakt’orepeşi coxopeş ok’orobinu şeni ibodinu. Majura k’arta k’ult’uruli fakt’orepes ren steri, dixapeşi coxopesti tarixuri, gramat’iuri maana do becitoba k’ala ekonuri do let’apeşa amagi meçameri k’oçepeşi şinape, amagepe, kianaşa o3’k’omilu do oidrak’uşi xususobape şinaxerie. P’ap’ulepe çkinişi upite şoleri do amagite kimineri, nena mutepeşite ocoxineri am dixapeşi coxope var gondunas, nesilepeşa meqoneri am dixapeş mtini mancepeşi nena k’ala dixaşcoxopeti var goiç’k’ondinas yado vimendupt…”.
Numçinuşi nomera: 0212 292 10 75
|
TÜRKÇE
