|
CONTES LAZES
Frengiuri nenamçkinace P’rof. Georges Dumezilişi nok’orobe Contes Lazes (Lazuri P’aramitepe), P’arisişi Universit’eşi Etnologiaşi Oçkinaleşk’elen 1937 3’anas P’arisis gamiğinu. Dumezilik, St’amp’olis ok’oçineri Niyazi Ban coxoni k’oçi k’ala Arkaburi Lazepeşi oşkes nok’orobe 14 p’aramiti, muşiş k’elen dizaineri 36 bonconi Latinuri t’ransk’ripsionite gamiğu. P’aramitepe Lazuri-Frengiuri cumleşi noqoneri doloç’aru do odudepeşen molaşineri but’k’apeş tude gamoxo3’anapu.
Aslen ok’ok’iyasuri mitologiaşi do dinişi mutehasisi Dumezilik, majura didope k’ala Lazuri, Abxazuri, Vubixuri steri K’avk’asiuri nenape şeni ak’ademiuri xandape qu. Ataturkişi oç’andute Turkias xut 3’anaş morgvalis dinepeşi tarixiş dersepe oguru. Lazuri P’aramitepeşen (Contes Lazes) çkva; Miti do Destani (Mythe et epo pee), Hinduri-Avrop’aluri Okimocu-Oçilupe (Mariages indo-europeens), Mitologiaşi Esk’izepe (Esquisses de mythologie), Vubixepeşi P’aramiti do Efsanepe (Contes et legendes des Ubykhs), Vubixuri Nena (Le Verbe d’Ubykh), K’avk’asiuri Nenape do Ananepeşi Anatoliuri Vesik’ape (Documents Anatoliens sur les langues at les traditions du Caucase), Guramepeşi Svara-Narturi Efsanepe (Le livre des Heros-Legendes sur les Nartes) steri svarape k’ala sumeneçi ketabişi maç’are ren. Georges Dumezili k’ala Oğarğalupe do K’avk’asiuri Xalk’epeşi Mitologia coxoni ketabepe muşi Turkulot gamiğinu.
|
TÜRKÇE
