|
CEM K'ARACA
5 İgrik’a 1945-s St’amp’olis dibadu. Tiat’roşi masanat’epe Toto-Mehmet K’aracaşi arteri bere rt’u do k’ulisepes irdu. Xut 3’aneri rt’uşi nana muşi do dadi muşişi tesirite obirus geoç’k’u. Robert’i do K’ult’urişi K’olejis ik’itxu. Musik’aluri skidala muşis “Dinamik’epe” do “Jaguarepe” coxoni grup’epes amat’oro geoç’k’u. P’rofesionaluro 1967 3’anas Mehmet Soyarslan, Tumay Yalçinkaya, Timur Fildişi do Ahmet Tuzcuoğlu k’ala “Apaşlar” coxoni grup’i gedgu. Artneri 3’anas Apaşlar, Orko Mik’rofoni coxoni musabak’as, Erzurumuri Emrahişi zit’ape do Cem K’aracaşi obestute “Emrah” coxoni birapate majurani iqu. Apaşepek, 3’oxleneri ihtirasi mutepeşi geulvaluri temp’oşi musik’a k’ala uk’açxeni ihtirasi mutepeşi yulvaluri musik’a ok’ont’ales do temp’oluri Anatoliuri musik’a oxvenus geoç’k’es. Çilamurepe Suretişi do Aya Çodina İqvas coxoni hit’epete oxandus naqones.
Cem K’aracak, 1969 3’anas Apaşepeşen ok’ui3’k’u do Seyhan Karabayi k’ala “Cem K’araca-K’ardaşepe” coxoni grup’i gedgu. Cem K’araca-K’ardaşepes, gamaçkvineri maartani 45-oni “Dadaloğlu”te list’epes k’ai sira aqves. 1972 3’anas am grup’işen ok’oi3’k’u do Moğolepeşa ak’atu. Namusişi Bela, Moxti Moxti, Korbalaşari Kiana steri hit’i birapapete didi gecginape aqves. Cahit Berkayik Moğolepeşa oirkianuri minoba mogapu şeni Frengiaşa igzaluşi Cem Taner Onguri k’ala grup’işen ok’ui3’k’u do “Cem Karaca-Dervişani” coxoni grup’i gedgu.
Cem K’araca, originali maartani LP (Ginz’e Gelaçame) “Fak’iroba K’aderi Va İqopen”1 Dervişani k’ala gamoçkvu. Dervişani goşibğuş k’ule Cem K’aracak 70-oni 3’anapeşi çodina grup’i “Edirhani” gedgu. Cem K’araca-Edirhanişi noxvene “Safinazi” coxoni LP, Bariş Mançoş k’elen 1975 3’anas gamaçkvineri “2023” k’ala Turkiaşi art-jur senfoniuri rok’işi albumepe işinu. 1979 3’anas Germaniaşa mendaxtu do 12 St’aroşina 1980 darbeş k’ule T.C.-şi dobadonarobaşen geit’k’oçinu. Tak’ribi 8,5 3’ana Germanias skidu do 27 Mbulora 1987-s Turkiaşa uk’uniktu edo T.C.-şi dobadonaroba niçinu. Cem K’araca, oşvanuşi do gurişi udobağinerobaş sebebite 8 K’undura 2004-s doğuru. Uskudar Seyit Ahmet Yesevişi cames cenazeşi namazi ixvenuş k’ule K’araca Ahmetişi mezarepunas dixvinu.
|
TÜRKÇE
