|
ART FİLMİ: TOPURİ
Filmik, yulva Uçazuğaşi irişen mendra do mt’k’uri dixas, moderni skidalaşi ununç’uşe art sotxanis nobode art bereşi astaxolo gondineri babaş oguruşi hekaye go3’odginups. Boginaşi topuris kianaşi irişen nostoneri topuri icoxinen do m3’k’upi do maşkurine mt’k’aşi mağala calepeş gejadgeri xeşi noxvene boginapeşen m3ika doskidineri matoporepeş k’elen inç’valen. Nesli muşi manişa nok’arbe K’avk’asiuri but’k’ucişi do matopure Yak’up’işi artot noxvene am nargoni topuri, sotinuri k’oçepe şeni mcveşi kianaşi do uok’oxve tabietişi xasi do xvameri çkina ren.
Yak’up’i namut k’arta meç’irobate do şkurnoni obodute topuri mağala capeşen geimers, skiri muşi Yusufi şeni xvameri k’oçi ren. Yusufi şeni baba muşişi gondunu didi gurişmeç’va ren namut dehşeti art yoçkinde mt’k’a do divi capes geocginaps do ajdiarişi obğeşen topuri gamimers. Dogurales gureli boncapete ç’areli maartani şiirepe muşis boginaş topurişi nostoni uğun. Yusufik, mendra dogurale do oxori muşiş oşkeşi gzaş morgvalis mt’k’as doluquraps. Baba muşi ak’vandeps. Artdğas uk’uniktasunon yado icers, nandidi muşiş mani-mani oxo3’onaperi do peygamberişa nungapineri baba muşi. Yusufik, baba muşi Yak’up’i oz’iruşi medite guri goindumers do mt’k’aşa amaxtaşi çkar uçkineri art kiana k’ala ok’oinagen. Serişi edo capeşi do mt’k’aşi m3’k’upinobak emuşi şuri p’ot’e nondaraps. Am filmik, 60. Berlinişi oirkiane filmişi fest’ivalis irişen p’rest’ijoni mukafati Orko Mtuti mogu.
Maktale: Semih Kaplanoğlu; Senario: Orçun Koksal, Semih Kaplanoğlu; Masağalepe: Erdal Beşikçioğlu, Ayhan Ergursel, Suzan Hande Guneri; Z’irapaşi maktale: Bariş Ozbiçer; Xeşnobaşi maktale: Naz Erayda; Musik’a: Matthias Haeb; Ç’eşidi muşi: Drami; Ora muşi: 103 deik’e; Nena muşi: Turkuli; 3’ana muşi: 2010; Dobadona muşi: Turkia, Germania.
|
TÜRKÇE
