|
MANİŞA MORDERİ TXOMU
Txomu, huşgilepeşi (Betulaceae) familiaşi Alnus cinsişen capeşi ç’eşidişa itkven. Qinoras but’k’ape muşi dobğapan do artneri pukironi cinsişi cape renan. Ekseri t’enoni let’a unonan mara xomula let’apeş jinti irdenan. T’ani 20-30 met’re k’onari muntazami xura aqvenan vana p’ump’uşi xalisti iqvenan. Cinci mutepeşis havaşi azotiş maşinaxe bakt’erepete morgvalepe 3’opxupan. Am xususi uğunan şeni xomula let’apes 3’oxle di3igenan do let’a azotite ixampaşi majura cape di3igenan. Dido cirek’i meçapan şeni ok’vatuşi ca yado di3igenan.
But’k’ape muşişi ginz’enoba 4-9 sant’imi, mçirenoba 3-7 sant’imi k’onari renan do tersi markvali steri do xerxişi k’ibironi uğunan. Xura mutepeşi bresti vana mç’itaşi k’aveşperi iqven. Narini do ginz’e xura muşis 3’oxle jvarişi p’aruxa, muntazami do çxant’a t’k’ebi aqven. İrdaşi ipaşen do uçaşi do p’eci t’k’ebi naç’aben. Turkias tabiuro; adi txomu (Alnus glutinosa) do yulvaluri txomu (Alnus orientalis) yado jur ç’eşidi do adi txomuşiti otxo tudeni ç’eşidi irden. Trak’ias, Marmaraşi gomorgvas, geulva Uçazuğas do yulva Uçazuğas safi do oxokteri goint’alen. Txomupeşi çorçi do hava nabaraşi gomç’itaneri capeşen bilasa k’ontrop’lak’i ixvenen. Manişa x3un şeni dido sotis var nirgen do maxut’olobas, k’urşumişi k’alemi do mojan3axoni oxvenus ixmarinen.
|
TÜRKÇE
