|
KURDEPEŞİ MESELE
Magoşogore-maç’are Altan Taniş k’elen ç’areli “Kurdepeşi Mesele” coxoni ketabi, Timaş Ogamaçkvaleşi simadaşi seriaşen 3’anağani 2009 tarixis St’amp’olis gamiçkvinu.
Ketabişi gamaçkvaş maktaloba Emine Eroğluk, edit’oroba Neval Akbiyikik, k’ilifişi dizaini Ravza Kiziltuğik qu. Altan Tanişi tolite meseleşi k’angreni noktinuşi irişen beciti sebebepeşen arteri ren, Turkialuri muhafazakari do dindari oxonk’anapeşi Kurdepeşi meseleşa resimuri simadaşi pencereşen o3’k’omilu. Halbuki meseleşi oçodinu İslamuri gagnapate iqven. Muslimanobaşi ummeturi gagnapas do k’arta miletişi nenaluri do k’ult’uruli hak’epeşi oçvalus edo mo3’qvaluri tefsiris arxvala Turkiaşi vardo k’arta mintik’aşi meselepe açodinen. Altan Tanik oyaneri Kurduri nasionalist’obaşa k’ai tolite var o3’k’en. Oş3’anura 3’oxleni t’erminepeş amdğaneri şart’epeşa otatbik’u var unon do Kurdepeşi ek’askiduşi gayreti renya do isimadeps. Mara Kurdepeşi nasionalist’obaşi tarixi xoloti k’aixeşa oxo3’onapaps.
Ketabişi k’ap’ulaşi k’ilifis antepe noç’ars: “Kurdepeşi Mesele… Turkiaşi di3xironi yara… Arxvala çodina 30 3’anas 40 şilyaşen dido şuri meskiru, şilyadoşilya oput’e moiçodinu, milyonepete k’oçepe dixa mutepeşişen yibargu. Dido nenape itku, uk’arare namtine dulyape ixvenu mara dobağineri irade var yeçkindu do gayretepe ok’igverdu. Madoskide do mamtine oçodinu şeni çkvaneri art p’ersp’ekt’ivi unt’u do emuşeni. Kurdi gamantaneri Altan Tanis mintik’aşi irsoti k’aixeşa uçkin do skidala muşi am meseleşi oçodinuşa okaderen. Çineri gamantanerik 3’anapeşi ok’obğeri tecrube muşi am ketabis doloç’areren. Turkepe do Kurdepeşi oşkes iptineri munasebet’epeşen Osmanalişi p’eriodişi ot’onomiuri oxen3aleşa, Kurduri ç’araloba do folk’lorişen yedgitapeşa, II. Meşrutiet’işi Kurdepeşa notesiruşen İttihat do Terakkişi xe3ala do Cumxuriet’işi p’eriodiş oğodapeşa, Turkias Kurdepeşi marz’gvanuri k’vazaluri simadate siaset’i oxveuşen, İslamuri art Kurduri oxonk’anaşi dobaduşakis, federasioni varna timoşletineroba varnati demok’rat’iuri cumxuriet’is ent’egrasioni? steri ok’osimadoni art xanda… Kurdepeşi Meseleşi jin çkvaneri art o3’k’omilu: ya tamami cumaloba ya artot esiroba”.
Numçinuşi nomera: 0212 511 24 24
|
TÜRKÇE
