|
ART FİLMİ: MEŞ
Meş (Goxtimu), art delişi skidalaş morgvalis 12 St’aroşinaşi filmi ren. Hekaye, Turkiaşi madoloç’ve 12 St’aroşina 1980 tarixoni darbeşen dğalepeş 3’oxle do uk’ule oğodapeşi skidineri Mardinişi ilçe Nusaybinis golulun. Darbe namtinoras fonis gea3’iren do namtinorasti skidalaşi oşkes goşot’k’va3un. Xelilok, Cengo k’ala arto berepeşi grup’i k’ala ok’oiçinen, manebre nikten do mk’ule ora şeni rt’as nati imendranen namut var nik’ardinet’u, var ixelert’u do var işinert’u kianaşen. Xeliloşi manebrepeşi namtinek ubabeli doskidun, namtineşi ocaxik ilçeşen yibargen, namtineşi mzaxalepe iç’opinen do uçkineri sotxanişa iqonen. Xelilok, nunk’u muşis mitxanepeşen eç’opineri z’igara muşite, misa p’rot’esto muşis naqonops.
Filmişi gurami Xelidok namut monk’a ç’k’uanuri ok’oxveroba uğun, normali k’oçepe k’onari skidalaşa uintibak’eri do gverdi noseri k’arakt’erik, dudi muşi tecridi xveneri kianaşa çkvaneri reaksionepete coğabi meçaps. Hekaye, Xelilo do gomorgva muşişi berepeş kianas golulun do artneri oras 12 St’aroşinaşi darbeş 3’oxleni do uk’uleni oğodapes çkvaneri tolite o3’k’en. Filmişi senarist’i do artneri oras Xeliloşi masağale Abdulselam Kilgik, “Beroba çkimişi golaxtimeri Nusaybinis, k’arakt’eri Xelilo em oraşi art simge rt’u do amdğasti ç’k’ua çkimis şuroni skidun. Am dulya arxvala çkimi şeni vardo em oras Xelilo içinops iri şeni aşo renya” zop’ons.
Maktale: Shiar Abdi; Senario: Abdulselam Kilgi; Z’irapaşi maktale: Ercan Ozkan; Musik’a: Onur Arici; Masağalepe: Abdulselam Kilgi, Abdullah Ado, Aydin Orak, Brader Musiki, Nujiyan Kilgi, M. Salih Kilgi, Talat Ekinci, Tulay Musiki, Filiz Abeş¸ Rugeş Kirici, Mehmet Avşar, Mehmet Keyik, Naif Elmas, Bunyamin Keyik, Huseyin Akgunduz, Şeyhmus Aykut, Murat Elmas, Felemez Tokay, Giyasettin Şehir; Ç’eşidi muşi: Drami; 3’ana muşi: 2011; Ora muşi: 88 deik’e; Dobadona muşi: Turkia; Nena muşi: Turkuli, Kurduri.
|
TÜRKÇE
