DUDBUT'K'A

P'RİDOGURALEPEŞENİ OXESAP'UŞİ SUPARA

Geç’k’apuleş mektebepeşeni oxesap’uşi supara, Abazistaniş Cumxuriet’işi gamaçkva yado jur filate 1933 3’anas nananoğa Soxumis gamiçkvinu. N. S. P’op’ovaşk’elen Rusulot ixazirinu do İskenderi 3’itaşi coxote Lazurişa goiktirinu. Latinuri bonconi Lazuri albonite ç’areli ketabişi mesuli redakt’oroba M. Aşiğişik, teknik’uri redakt’oroba M. P’işik’ik qu. “Oxesap’uşi Supara” tarixis ç’areli maartani do arteri Lazuri matematik’aşi ketabi ren. Am suparaşi mengapura 2012 3’anaşi Mbuloraş tutas St’amp’olisti gamiçkvinu.

Sovieturi Lik’ateşi p’ridoguralepeş mufredatişa moxva ç’areli ketabişi maartani fila 1. gurapaşi 3’anaşeni, majurani fila 2. gurapaşi 3’anaşeni ren. Am ketabis, Lazuri nenaşi gurapaşi nena oqopinus tarixuri becitoba uğun do Lazi berepeşa oxesap’uş oguruşi misionite iç’arineren. Ketabişi maartani filas; vitoni k’oro3xape, eçişakis monz’inu do dok’lu, eçişakis omralu do ok’ortu, oşoni k’oro3xape igurinen. Ketabişi majurani filas; oşişakis monz’inu do dok’lu, oşişakis omralu do ok’ortu, vitoşoni k’oro3xape igurinen. Am suparate berepeşa resimepe, grafik’epe, oxomç’k’vape do p’roblemepek’ala temeluri matematik’a igurinen. Filapeşi çodinas uçkineri zit’apeşi doloç’areli zit’apuna gez’in.



                                                                                                                                                              TÜRKÇE