|
ART FİLMİ: REVŞEN
Dok’ument’aruli filmi Revşenişi maktaloba Cemil Oğuzik qveren do filmik Turkias 90-oni 3’anapes Kurduri nena do ç’aralobaşi omordinu oxo3’onapaps. Turkias 1990 3’anaşakis “Kurdi” zit’aşi oxmarinuti memnu rt’u mara 1991 3’anas 2932 nomeroni k’anonişi oktirute jurnali Revşeniti gamiçkvinu. Jurnali, Mezop’ot’amia K’ult’uraşi Şkagurişi maktalepeş k’elen 3’oxle Turkuli-Kurduri nenapete do arjur 3’anaş k’uleti mtelot Kurduri nenate gamiçkvnu. Jurnalik vit 3’aneri skidala muşis Kurduri nena omordinu do Kurduri gamantanus beciti vazifepe qu. Dok’ument’aruli filmik, Turkiaşi Cumxuriet’iş tarixis maartani resimuri Kurduri jurnali unvanoni Revşenişi, 1990-oni 3’anapeşen 2000 3’anaşakis noqoneri macera o3’iraps. Em devres Kurduri nenaşi omordinu do beciti oğodapeti gamoçkinaps.
Maktale: Cemil Oğuz; Senario: Cemil Oğuz; Mont’aji: Masum Elmas; Z’irapaşi maktale: Cahit Çeçen; Musik’a: Xak-Kamkar; Ç’eşidi muşi: Dok’ument’aruli; 3’ana muşi: 2011; Ora muşi: 50 dek’ik’e; Dobadona muşi: Turkia; Nena muşi: Kurduri, Englisuri do Turkuli.
|
TÜRKÇE
