|
VOLEYBOLİŞİ MAPA: Vİ3'ESP'ORİ
1974 3’anas na ik’idu do perepe muşi jvari-xçe na ren Vi3’esp’ori, Yulva Uçazoğaş T’erit’oriaşi irişen çinoberi do menceloni voleybolişi grup’epeşen ar teri ren. Biç’epeşi voleybolişi grup’i 2006-2007 sezonis 2. ligaşi B k’at’egorias isters. Vi3’esp’orişi k’ulubis dep’lasmanuri t’erit’orialuri ligas na isters k’ulanepeşi grup’iti uqonun.
Vi3’esp’orişi biç’epeşi voleybolişi grup’i 2002-2003 do 2003-2004 sezonepes Turketişi voleybolişi 1.ligas isteru. Aşoten coxo muşi mteli Turketişa ognapu do noğaşi ağanmordalepes voleybolişa na uğunan nç’ela ok’ap’et’anu. Vi3’e, 3’oxleşen doni voleyboli na onç’els, salonuri sp’ort’epe dido na var int’ereset’u p’eriodepesti voleyboli mak’simumi na qorops ç’it’a na iz’iren noğapeşen ar teri ren.
Vi3’esp’orik, na isterspeşi oşis 65-70 k’onari lok’aluri masterapeşen 3xunups. Vi3’esp’orik, muşi t’radi3iaşen var imendranuten noğaşi voleybolişi çkina do k’ap’asit’esti o3’k’omiluten na moxtasunon ndğalepes umosi menceloni oqopinu şeni ixandeps. 2005-2006 sezonis 2.ligaşi B k’at’egoria maovrani na oçodinu Vi3’esp’orik, ndğa oz’iramu do k’eleneriş mxuci meçamu k’arta oras monz’inuten xandape muşişa naqonops.
Vi3’esp’oriş k’ulubişi biç’i do k’ulanişi voleyboliş grup’epes na isternan ligapes gecginoba mogan yado vuxvamupt.
|
TÜRKÇE
