|
ÇİNOBERİ BONZ'OLA GEMABİRE
Yu Zhenhuani Çineturi ar k’oçi ren. Yu Zhenhuani dibaduşi, 3’oxle nana do baba muşis, ok’uleti ocaxişi mtel xalk’is gvak’vires. Emuşeni emus dido oint’eresoni zabunoba uğut’u. Xura muşi bonz’ola rt’u. Xvala muşi xeguri do t’abu utomoni rt’u. Yu Zhenhuani do mtel ocaxi muşik am zabunobaşi sebebiten dido oraşen doni derdi zdipt’es. Edo am k’rima biç’i am p’at’i zabunobaşen moşletinuşi gzalepe gorupt’es. Yu Zhenhuanis na uğut’u zabunobaşi coxoti, çareti va uğut’u. Jur 3’aneri iquşi, qucişi jin na uğut’u tomapeti quci muşiş doloxe amaxtimus kogyoç’k’eet’u. Xura muşişi 96 % tomoni na rt’u Yu Zhenhuanis dido mskvati xonari uğut’u. Mtel xuras na uğut’u tomapeşi sebebiten derdi na zdipt’u Yu Zhenhuanişi ambari kianas ognapu na unt’es jurnalist’epek muşi musik’uri xonariti ognes do ognapes.
Amat’euri ar musik’uri k’erk’eli k’ala musik’a na ikipt’u Yu Zhenhuanik bonz’ola xura muşi ognapapu şeni ambari na qu jurnalist’epeşi xeten mtel teres mskva xonari muşitenti içinu do çinoberi iqu. Dudis na uğut’u tomapek kuni muşişa zarari na meçapt’u şeni, Yu Zhenhuanis na mek’ilu ndğalepes Şangayişi oxzabunes ar op’era3ia çkva aqu. Mk’ule p’eriodis doloxeti ik’au.
Xonari do fizik’i muşiten a3’i çinoberi na ren Yu Zhenhuanik bonz’oloba muşiten, 2002 3’anas Guinesişi Rek’orduri svarasti amaxt’eet’u. Çinetis dido çinoberi ar musik’uri k’erk’elişi solist’i na ren Yu Zhenhuanik kianuri turne şeni ixaziren do muşi rep’ert’uari oxampaps.
|
TÜRKÇE
