|
QOROPONİ AR MEGABRE: PAPAĞANİ
Papağani Afrik’a, Amerik’a, Azia do Ok’ianusiaşi t’rop’ik’uli mt’k’aepes skidun. Çxant’uri bundğa do k’irk’oleri k’ik’ili uğun. Dudi muşi didi, qali muşi mk’ule, o3’uruşi xemaxvenconi inteligenti ar k’vinçi ren. K’uçxepe muşi, xe steri axmaren. Generalurot xili do k’ak’alepe na ren oç’k’omalepe muşi k’uçxepe muşiten okaçaps do k’ik’ili muşişa niğaps. Muşi k’ik’ili dido menceloni na ren şeni, irişen k’ap’et’i na ren ar nez’i ar moç’k’viduten at’axen. Mçxu do k’irk’oleri na ren jileni k’ik’ili muşi iri k’ele akten. Tudeni k’ik’ilikti oç’k’omalepe ot’axu şeni, tablaşi dulya ikips. Muşi nena mçxu do xor3oni ren. Edo men3’uşi organişi dulyati ikips.
Papağani ç’anginuri ar k’vinçi ren. K’uçxepe muşi mk’ule ren. Jur 3’oxles do jur k’ap’ulas otxo k’iti uğun. 3’oxleni k’itepe ar mç’ipe t’k’ebiten artikartişa mek’ireli ren. 3’oxle na ren maartani do k’ap’ulas na ren maotxani k’ititen okaçaps do k’ik’ilişi meşveluten çevik’obaten yulun. Ç’angepeten yulut’aşi k’ik’ili muşi k’uçxe steri na ixmars şeni irişen k’ai ç’anginuri ar k’vinçi oqopinot işinen.
Timoşletineri mt’k’uri papağani ncaepes skidun. Mara k’oçuri xonari do melodiaepe dudişa amağuşi xemaxvencoba na uğun şeni, dido oxoris k’afesepes doloxe iskedinen. Obğe muşi, ncaepeşi ğorma do kvaepeşi oşkendas k’idups. Çildokimolepe artikarti çkvaepe k’ala var moğerdinapan. Didi xuroni na ren çili papağanepek 3’anas jur-sum fara, ç’it’alepekti umosi dido markvali skups. Ç’eşidoba mutepeşiten, k’ump’uri, pukiri, xili do tasepe ç’k’omups. Mara skindinuri oç’k’omale na imxors namtini ç’eşiditi uqonun.
İmxort’aşi varna moişvacupt’aşi dido stibineri ren. Jvari peroni na renpe dido k’ai k’amufle iqven do çkar oras var iz’iren. Bundğa muşi didopeten jvari peroni ren mara, mç’ita, 3aşperi, k’vint’a, xçe do uça peroni bundğa na uğunanpeti iz’iren. Sumeneçdovit 3’ana k’onari na skidunan papağanepes sumoşdovitoxutişen met’i ç’eşidi uqonun. Qonapes zarari na meçapan şeni, didopeten iqvilinenan. Molaxuneri skidalaşa perpu na oxvamç’k’enan şeni k’afesis raxat’obaten iskedinen. Mara psittakozi coxoni oğurinace zabunoba k’oçepes na nunk’limaps şeni zararoni iqvenan. Dido k’ap’et’i ç’k’ua na uğun şeni tkvalape manişa iguraps do mu renan uçkineri k’oro3xaps. Ağani ar nena oguraşi, buz’oni 3xovarepe steri baxşişi var meşvens. Na niçinasunon cezaşenti mutu var oxa3’onaps. Oguru mutepeşis sap’ri dvaçirs.
Oz’i3inoni steroba, qoropeloba, meşak’aloba do oğarğaluş xemaxvencoba muşik papağani, oş3’anurepeşen doni na igoren k’afesuri k’vinçi qvereen. Xvalobaşi derdi na zdips mzoğarepeşa idealuri megabre iqveen. K’afesis na molaxen papağanepe eçdovit-jurneç 3’ana askidinenan. Jurneçdovit 3’ana na skidu papağanepeti şigneri ren.
|
TÜRKÇE
