MA Mİ BORE?

Nena şkimite misinapi
Nena şkimite mit’rağudi
Nena şkimite miyoxi
Nena şkimite mip’aramidi
Ma mi bore oxobo3’ona
Si mi ore oxobo3’ona
Şkunebura misinapi
Şkunebura mit’rağudi
Şkunebura miyoxi
Şkunebura mip’aramidi
Ma mi bore oxobo3’ona
Si mi ore oxobo3’ona
Cumalepe şkimi
Dalepe şkimi
Şkunebura bisinapaten
Şkunebura p’t’rağudaten
Şkunebura bip’aramidaten
Şkunebura bixoronaten
Şkunebura bibiraten
Nena şkuni, çulturi şkuni
Skudasen va gondunasen
İrote k’aobate buç’andaten
K’aobate p’aten mutu p’aten
Oropate p’aten mutu p’aten
K’aoba do oropa conz’irare
Livadi mutu dvorgare him içanen
Lazut’i dvorga lazut’i
Lobca dvorga lobca
Luu dvorga luu
K’andğu dvorga k’andğu
İçanen do cinz’iren
Xizanoba xizanoba moğams
Ok’oşkidapu ok’oşkidu moğams
K’oçi mutu asen him z’irams
K’aoba ana k’aoba z’irare
P’eat’oba ana p’eat’oba z’irare
Oropa oropa moğams
K’aoba oropa moğams
Nananenate osinapu
Nananenate ot’rağudu
Nananena ognapu
Ma bixelare, si ixelare
Himu ixelasen, hini ixelanen
Şku bixelaten, tkva ixelaten
E şana şkimi, e şana skani
E şana muşi, e şana nişi
E şana şkuni, e şana tkvani
İrote xeleri goftaten

07.10.1988

 
© 2009 kolkhoba.org