KART'ALİ

Kart’ali doginç’ari
Eç’opisi moy xari?
Na mikadidotupe
Si xoloti var ari?

Na dologonkun porça
Emtumani t’axeri
Si avla moy celaxer
Ali moyot’axeri

Avla skanişi ogi
Doxaşki ç’epri tasi
Ekç’opa giyonare
A m3ika komirdasi

Amseri dotanu do
Ogzun k’alivi skani
Ç’umani biç’itxare
Mion sevdali skani

Ma bulur bigzalare
Na va milen yerişa
Xeyiri do mo z’ira
Mskvalina tolepeşa

Elamtume va malen
Loda burguli loda
Ora muşi va mi3’vi
Huy memodginam k’oda

Aşkva va magzalinen
A komepçat’u mola
M3’upi diyu va maz’in
Mapşu tolepe mk’oma

05.06.1991

 
© 2009 kolkhoba.org