ÇAİŞİ BİRAPA

Andğa k’ai t’aroni ren hayde dalepe
Şa goindinen-i yazis ha mskva ndğalepe
Çaiş o3’ilus mevoktut çkin k’ulanepe
Çaiten yopşa k’alati tirit biç’epe

He yana yana yana, heyaymoli heyana
Çkini ren çkin manç’enan bedi do şana

Ehe rak’anis eşulun mjora ağani
Mç’ita te muşiten tanun k’ata rak’ani
Çiçkili steri p’3’ip’olat çkin mani-mani
Do yevopşat muşi oras ar 3’anaş p’lani.

He yana yana yana, heyaymoli heyana
Çkini ren çkin manç’enan bedi do şana

Ran3’k’alas birapa çkini rak’anis mat’as
Andğa çkini k’ala kva do ncakti ixelas
Ezdas ixik ha birapa mendraşak iğas
Ağne Lazuri birapa kianak ognas

He yana yana yana, heyaymoli heyana
Çkini ren çkin manç’enan bedi do şana

Tbilisi, 1969

 
© 2006 kolkhoba.org