TXİRİS TUDE SERİNİ Txiris tude serini, Bonkvas bonkva yank’alen, Mot mendi3’k’et bozope, Guris elemank’anen! Han3’o dido txiri çans, Meci p’aten, moxtaten, Feneri dokaçeri, Ser do seri goptaten. Txiris tude mot incir, Bonkvape egat’asen! Ma domç’vi do domxali, Si na kva gegat’asen! Guris muda memiç’vam? Elegiktam alepe, Seri mecis it’işi, Si dotani gzalepe. Do hak’o mot megomskun, Gunz’e toma şkak’ala! Okç’opaneren, gyuli, Vaşa kogoxta xvala!   © 2009 kolkhoba.org