PERİ PERİ PEREPE

Peri peri perepe
Noderis peronepe
Aşo moxtit berepe
Dobk’oro3xat perepe

3’oxleni uçalepe:
3’aneri umçanepe
Mok’aşk’ele kçelepe:
Cumadepeş çilepe
Ok’vaçxeni madepe:
K’ap’ineri dadepe
Notxozun mç’italepe:
Nisağaş ç’ut’alepe
Oşkendas ç’erelepe:
Şira, bedgoç’verepe
Ç’ereli ç’urelepe:
Komoci ğurelepe
İbiran xanç’erape:
Bozopeş monç’erepe
Meqonas skit’alepe:
Mordeli 3kint’alepe
Çkva k’ap’ulas brestepe:
Jurşuroni grestepe
Melen tutaperepe:
Badi, mota berepe
Molendos n3aşperepe:
Ağne nisaş berepe
Dida k’aveşperepe:
Kvaper k’ave şverepe
Dobk’oro3xit perepe
N3aşa ebtat berepe

 
© 2009 kolkhoba.org