NANA ÇKİMİ Ser-ndğaleri on3’el yanis nak’o otani, Nana çkimi, k’ai nana, çkim şur do t’ani! Si na ordi bere skanis ti kogyaçanu, On3’el muşis unk’ant’işak ti megakçanu. “Nani dovas bere çkimikya” do ibirt’i, Met’i oras, nana çkimi, uoncire t’i, Muacişi in serepes mot’ubinamt’i, Berep skanis çamt’i gyari, si va ipxort’i. Menceli Ğormotik mekças, çkimi nanik’o, İyyagvali gur k’ap’et’i komyonut’ik’o! Nana çkimi, k’ai nana, si nak’o k’orom! Ha birapa mtel gurişen ma si gibirom. Berep skanis şur do t’ani irxol koyodvi, Nana çkimi, moxti çkimde, xe kogomisvi, Lo3a nena na gatkvet’u, xolo domi3’vi, Skani biç’is kogaxveli do namaz dovi! Guri skanis derd va bz’ira, iyya ibiras, Ha3’i şk’ule şvi, ikeyfi, ser k’ay ganciras! Ma si k’orom dido-dido, irişen met’i, Ki ma bore skani bere, skani Memet’i!   © 2008 kolkhoba.org