CUMADİ ÇKİMİ

Lazuri birapa kodobiguri,
Do iroras bibir ma Lazeburi,
Birapas mepçam ma t’ani do şuri,
Arçkva dobibirat, cumadi çkimi!

Sum 3’ana ren, mogapuşa na moptit,
Teli dunya çku mtelişa kogoptit,
Ama hiç soti Turça va bibirit,
Geboç’k’at, bibirat, did cuma çkimi!

Laz boret çku do Lazuri bibirat,
Nena çkun bognatşi, guris k’ay bz’irat,
İyya Lazuri bibirat, bixarat,
Ki Lazi boret çku, cumadi çkimi!

Sum 3’ana ren, dobadona va bz’iromt,
Ama hemus irişen did çku p’oromt,
Hemuşa na ulun gza iyya bgorumt,
Gobiktateni, didi cuma çkimi?

 
© 2008 kolkhoba.org