UOROPONİ SKİDALA Skidala domaçoduşi, Ğormotik çkva ma mo3xu; Pskidi nati, ha skidalak Oropaten ma moz’ğu. Oropa mu ren, mis uçkin? Heya mitis va uçkin! K’ay skidalas uorope P’at’i skidala ucgin! Oş 3’aneri dobivi do Çkar marazi va mç’irt’u; Mit va bz’iri, oskidus do Oropas na meç’irdu. Mjora geylu, tanur va ren, Muşeni var eyselu? Gumas bozop renan yado Mtel şubara moyselu.   © 2008 kolkhoba.org