TEONA ÇKİMİ Ek’o 3’ana mik’ilu ar memşvenu vamomçi, Doviç’vi dovixali k’ai nena komomçi. Namik’ilu gzaepes pukirepe dovorçi, Birtum şuris memodgi gyuli Teona çkimi. K’uçxe dixas vagidgin putxu parpali stei, Muç’o artisi kodgi çarbepes golasvei. Guris kva gevibaz’gup hem ndğalei hem seri, Vaptkva do muç’o vaptkva şuri Teona çkimi. Skani coxo vognaşi kudi n3aşa yep’t’k’ome, Ambai vamoxtaşi gyari 3’k’ari mep’t’k’ome. Tis nosi mendamixteps zoğas kva dolop’t’k’ome, Çkimi xali mu iqvas mu p’a Teona çkimi. Nana skanik gzaepe donk’ilu do dontxozu, Baba skanis govotkvi xaşaiten matxozu. Nt’k’obaşa komeptişi coğori gematxozu, Çkva vamemaxondinen skanda Teona çkimi. Ar xe kogemivali akolen mego3xont’u, Varna ar ncas yevulu jindolen kamep3xont’u. Vabğurina vulu do zoğas kodolop3xont’u, Ok’vaçxe momatxoze siti Teona çkimi. 04.03.1993   © 2006 kolkhoba.org