K'ULANİŞİ BİRAPA
Elçi moxtu nek’nas komemodgitu
Var minon ma vu3’vi do kodotgitu
Stveli k’ilu Xristana kodotgitu
Skani mutu var vogni gyuli çkimi
Var vixeli bedi gomaktu ter3i
Omgarinu mtel mendamixtu sersi
Xolo miğun gyuli skani xavesi
Ordo moxti ordo e gyuli çkimi
Jur ç’areli moginjğoni mgaraten
Memzoğepes mepçi ides barvaten
Ak dopskidi gyul yepşeri derditen
Skani mutu var vogni gyuli çkimi
Ar k’aravi zoğap’içis nodgitu
Limanişa moxtu do kododgitu
N3aşa kepti xeleba memodgitu
Ma na mteli m3udişi gyuli çkimi
Memzoğepek k’aravişan kagextes
Xeleberi ocağepeşa mextes
Ma na mz’ires n3aşa mutu var yextes
Skani mutu var mi3’ves gyuli çkimi
Em ndğaşk’ule vore saği ğureli
Var vik’are dopskidi meğureli
Si Tunaşen mogiqones ğureli
Askadalas ma mu p’a gyuli çkimi
| 