MEMİQUCİT
Memiqucit a3’i gi3’vaten isa
E ağnobas mupe momixtu tişa
A3’işk’ule vidaminon let’aşa
Gemamgari qoropa gyuli çkimi
Dido miğun duniaşi xavesala
Var mi3’onun olibu iri k’ala
Var maz’iren a3’işk’ule skadala
Gemamgari qoropa gyuli çkimi
Si va rt’işi nciri var mak’useri
Man nciriten var mitanu ar seri
Duşuniten kemiçkindu yer seri
A3’i bğuru e qoropeli çkimi
Mogapuşa mot ulut’u muşeni
Gaşkurinu nana do baba şeni
Ma memt’k’oçi bğurut’i skani şeni
Uskaneli domdğuli gyuli çkimi
Eşo na t’u ma izmoces kobz’iri
Mu maxvenu k’ainoba var bz’iri
Skani şeni guris derdi kobz’iri
A3’i bğuru e şurimşine çkimi
Pencereşen moxti kagemiqoni
Xe memidvi do eşo gemiqoni
Var bz’irina bğuru skani derdoni
Gemamgari qoropa gyuli çkimi
| 