Ç'E BERE İsimadi ç’e bere! Kogiçkin, Lazi na-re, Miçkin, unose vare, Haşo bunduri mot re? Goyişini ç’e bere! K’olxepeş mota na-re, Umiteli çkar vare, Haşo xvalaşa mot re? İsinapi ç’e bere! Nena var gondinare, Miçkin, misa na-vare, Si ununeli mot re? Oxink’ani ç’e bere! Bedi okturoni re, Dodgiton k’oçi vare, Si guris gale mot re? Goyipatxi ç’e bere! Mexvi, iyo monk’a re, Miçkin, xai na-vare, Haşo şumeri mot re? İozmoni ç’e bere! Ç’umanis si skidare, Miçkin, derdoni na-re, Si umezmonu mot re? Memiuci ç’e bere! Mtini ren na-gi3’vare, Var ognam steri na-re, Si haşo dura mot re? Gomişini ç’e bere! Ginon mşini megabre, Miçkin, gzamşine na-re, Si haşo mendra mot re? Goinkturi ç’e bere! Haşote var skidare, Miçkin, noseri na-re, Si nosis gale mot re? Do ixeli ç’e bere! Lazepeş medi si re, Si obgaroni vare, Haşo gemzuli mot re?   © 2009 kolkhoba.org