OXOŞKVA Oxoşkva n3as mpuleri, Oputxu na-uçkin şeni… Mendrapeşa msva gontxeri, Na-idasen guri şeni… Oxoşkva ar oropa, Oropumu na-uçkin şeni… İptineri ar skidala, Na-skidasen guri şeni… Oxoşkva otanuş gza, Ogzalu na-uçkin şeni… Oxoşkvaşi gzas ipti, Na-goxtasen guri şeni… Oxoşkva mtinepe oz’iru, Oz’iramu na-uçkin şeni… Na-z’iru mtinepe muşi, Na-çxirasen guri şeni… Oxoşkva xvala doskidu, Xvalanoba na-uçkin şeni… Xvalanobaşi ç’viniten, Ugecginu ar guri şeni… Oxoşkva germaşi k’un3’ulis, Extimu na-uçkin şeni… Oxoşkvas şuri na-meçams, K’ap’et’i ar guri şeni… Oxoşkva dadalişi şura, Meşuru na-uçkin şeni… Dadalepe steri peroni, Na-skidasen guri şeni… Oxoşkva daçxuri ren, Medvinu na-uçkin şeni… Daçxurişi paluriten, Na-iç’vasen guri şeni… Oxoşkva mtel svas ren, Na-z’irums do skidun şeni… Oxoşkveyi skidalaten, Xeleberi ar guri şeni…   © 2009 kolkhoba.org