GOYİMBENAN BEREPE ŞKUNİ

Moni steri tolepete
Xapu3’yari p’icepete
Goragaderi xepete
Gulunan berepe şkuni.

Gulunan umektebe
Konanu unç’arele
İyeni usk’irale
Ç’umani berepe şkuni.

Ç’umani iyasen mapxa
Ğomaneri mp’ula gişxa
Mteli mt’erepe eişxa
Putxanen berepe şkuni.

Putxanen doloyoxeri
Lazuri sinaperi
Nç’arelepe dokaçeri
Tkvanenu berepe şkuni.

Tkvanenu şkuni şeni
Ora dodginu orani
Si meginças xepe skani
Meç’işi berepe şkuni.

Meç’işit mo ek’aguturt
Gza meçit mot golaguturt
Dobuşinat mot doguturt
Mirdenan berepe şkuni.

Umeşonuti mirdenan
Nosinişi gipurkaman
Gamapk’u3xit’u it’unan
Murun3xi berepe şkuni.

Na moxtasen ndğa murun3xi
Va gomdunit boret k’u3xi
Aşkva tkvati gamak’u3xit
İgzanan berepe şkuni.

İgzanan çonaşa k’ale
Kek’uxtes mancura k’ale
Gişkuni so re nam k’ale
Giyoxas berepe şkuni.

Miyoxaman mebazgeri
Kuğunan guri megzeri
Huriyeti dologzeri
Goyimbenan berepe şkuni.

 
© 2009 kolkhoba.org