ÇKİNİ OPUT'E

Çkini oput’es
Uşkiri ren, qomuri ren,
Qurz’eni, m3xuli, luği,
Mjoli ren, mbuli ren.
Çkini oput’es k’arta meyva mboli ren.

Çkini oput’es
Kotume ren, mamuli ren,
Ç’uç’uli, p’ep’ela, puci,
K’at’u ren, coğori ren,
Çkini oput’es oxori ren,
Em oxori çkini oxori ren.

Çkini oput’es
Pukiri ren, gyuli ren,
Papatyaşi şura ren,
M3udi nena mot doptkva,
Lazma ren, 3’k’int’ili ren.
Çkini oput’es k’arta şeyi konorçun,
İri şeyi konomskun.

Çkini oput’es
Bak’i ren, bageni ren,
Okotumale, obargale,
Dişka nobğun oxoriş 3’ale.

Çkini oput’es
Nana ren, baba ren,
Bazi bazi mulunan,
Mulunan do gulunan,
Yegenepe, bere-bari,
Çkini oput’es ar ma var vore,
Arçkva yari…

 
© 2009 kolkhoba.org