MZOĞA ÇKİMİ Yazi mulun, çkva bozope komulvan, Mzoğa-p’icis mele-mole kogulvan, Mskva k’ara dgin, muşi jinti kogulvan, Man komepşven, p’ira, mundes komulvan? Ğormotikti kemoçkines mskva let’as, Xe gontxeri pçumet Sarpis na mi rt’as, Çkini k’ala moxtan, mzoğas inçviran, Kogemxvaman, muşi k’iraşa nit’an. Ginon mzoğa, ginon mt’k’aşi mskvanoba, Çkvapes unon? Trangik momçu, ma mu p’a?! Mzoğa çkimi nanati ren, babati, Dido p’qorop t’alaxis do k’arasti.   © 2007 kolkhoba.org