PİRALİŞİ BİRAPA

Dağis vore şk’as liveri gomot’k’un,
Ncas gepxer do tude mgeri gomobğun,
Vit 3’ana re oncires var mincirun,
Sopes vort’i muperepe miz’irun.

Stveli ren do sari- mç’ita but’k’ape
T’u3a ixis parpalepe putxunan,
Mzesk’u p’ili do emuşi bundğaten,
K’vinçisteri çiçku iova vixvena.

Seri ren do germa k’oçik daçxiri,
Ogzeren do xoronaps delisteri,
Bgorup hama dunias soti var bz’iri,
Xvala vore lok'eri k’itisteri.

 
© 2006 kolkhoba.org