XELAK'AOBA Andğaneri dğalepe, Şilya gaqvas 3as iexti, A3’işa ğurbelis t’i-na Çkin ak voret, kagexti. Xelak’aobas gz’ira, Pimpili pukironi, Dğa ginz’e gaqvas ora Lazona gok’vioni. Xelak’aobaşi ptkvat, Xeleri z’i3ineri, Ok’ovak’nat xe-k’uçxe, Mxucepe tirtineri. Şuri ubari nenas, Muk’o ç’it’a ginon t’as, Xelak’aoba şenas İşenas, imuru3xas. Xeler-z’i3ineri t’a Mcveş xaleri doç’veri, Ğormotişi qoropas Gui e3’adgineri.   © 2006 kolkhoba.org