GEPRÇKİNEK UÇXONÇXE Gat’qarebe çkimi q’ude, İbç’irias goupalu, Lak’a3iaş noq’elepi, Jin-borias dourkalu. K’ak’larişi k’ibirepi, Ğandas mitovark’alans, Xumla-xumla noq’eleps K’op’a mik’oxark’alans. So re purk’i giroxili, Mindors noxo dorçapili, K’ar tolsero ğir3’k’inunsu, Q’uciş cincşa goncamili. Vamap’alu şuro guri, Gur epşa re ğalepit, Gile3xvabar diaçkimi, Mop’uraxil valepit. Puh, uçxonçxe geprçkinek, Zisxiri so re cveşepişi, Turme tudo minop’vek, Ma miçkudu eşe mipşi. Do3umil re pur3elepi, İtam demeps gouxvalu, Gat’qarebe çkimi q’ude, İnç’irias goupalu.   © 2006 kolkhoba.org