DUDBUT'K'A

APXAZİA DO OMJORE OSETİAŞA K'İBRİSİŞİ FORMULİ

Okorturaşen legalurot timoşletineri oqopinu şeni na ibodenan Apxazia do Omjore Osetiaşa irişi toliş 3’oxle mxuci na meçaps Rusiak, st’at’uk’oşi oktiruşi albatobas na i3’k’edinasunon modeli dotku: Oçildre K’ibrisiş Turki Resp’ublik’aşi (OKTR) modeli. Rusiaşi Tereşoçvuş Naziri do Dudnazirişi Manuşvale na ren Sergey İvanovik, arxvala Turkiaşk’elen na içinen OKTRşi xalk’ik normaluri skidala mutepeşis naqonopan ya tku. İvanovik, aşoten Apxazia do Omjore Osetiak na yezdasunonan, Okorturaşen timoşletinobaşi k’araris arxvala Rusiak mxuci meçasunon mara aya p’olit’ik’uri ar k’arari iqvasunon ya tku.

İvanovik nenape muşis aşo noqonu: “Omjore Osetia do Apxaziaşi p’roblemepes na molişinasunon int’erna3ionaluri p’rat’ik’epe ren. Mteli kiana steri Rusiakti ofi3ialuri na var içinops OKTR, arxvala Turkiaşk’elen oçinuten andğaşakis komoxtu. Turkiak jureneç 3’ana 3’oxle k’un3’ulaşa malime noncğonu mara NATOşi mak’ature oqopinot doskidu. Andğaneri ndğasti Avrop’a k’ala int’egra3iaşi p’rosesis naqonops. Oçildre K’ibrisis na skidunanpes normaluri ar skidala uğunan, oxen3ale mutepeşişi terepeşk’elen ofi3ialuri uoçinuşi sebebiten ar p’roblemi var aqvenan do Turkiaşi p’asp’ort’i k’ala gulunan.”

İvanovişi am oxo3’onapa, K’osovaşi timoşletinoba am 3’anaşi çodinaşakis içinu na, Rusiakti OKTRşi modeliten arxvala muk içinasnati Apxazia do Omjore Osetiaşi timoşletinobaşi k’ararepe oçinuşa ixaziren yado na ixvenen k’oment’arepe ok’ap’et’inu. İnt’erna3ionalurot Okorturaşi t’erit’oria renan yado k’abuli na ixvenen, Apxaziaşi Avt’onomiuri Resp’ublik’a do Omjore Osetiaşi Avt’onomiuri T’erit’oriak am gzaten 3’oxle referandumi oxvenuten timoşletinobaşi ognapaşa huk’uk’uri temeli oxvenu şeni ixandasunonan ya itkven. Apxazia do Omjore Osetiak, Tbilisişi maktaloba k’ala dido 3’anaşen doni ok’ok’idinuşi çodinas de-fakto oqopinot timoşletineri skidunan.

Mosk’ovaşk’elen OKTRşi modeli a3’i omolaşinuşk’ule, Rusiak k’un3’ulas p’olit’ik’uri o3’k’e şeni Annanişi p’lanis mxuci umeçamuşi sebebi oqopinot, “ar k’rizi iqvaşi OKTRşi timoşletinobaşi modeli K’avk’asias oxmaruşi albatoba” ren ya itkven.



                                                                                                                                                              TÜRKÇE