|
"TURKİA DO İRANİŞİ MOGAPAPE OŞKENDARİ REN"
İraniş P’rezident’işi Manuşvale Perviz Davudik, t’erit’orias Turkia do İranişi k’ont’akt’oba ok’oxvu na unonanpeşa artot nodgitinu domaç’irenan ya tku. Davudik; “İrak’işi dixaş artoba, Turkia şeni na ren k’onari İrani şeniti beciti ren. Mara çkin İrak’işi doloxeni dulyapeşa ak’atuşa razi var voret” ya tku.
İraniş P’rezident’işi Manuşvalek, çodinaşi p’eriodis Oşkenduriyulvas na iqvenpek Turkia do İrani çkiniş oşkendas na miğunan k’ai k’ont’akt’epe var ok’omixvan ya tku. Davudik, namtini terepek Turkia do İrani çkvaneri k’amp’epes na renan do mogapaşi ok’ok’idinu na ikipan steri o3’iramu unonan yado nena muşis gebaz’gu. Amerik’aşi Ok’ont’aleri Oxen3ale do İsraelis jur tereşi oşkendas na ren k’ont’akt’oba ok’oxvu unon na tku Davudik; “Am simadaşa artot nodgitu domaç’irnan. Oşkenda çkinis na miğunan k’ut’ali do ist’oriuli k’ont’akt’ik aşo oxvenu domaç’irapan. Turkiak am temas gonç’k’ireli na ren miçkin. P’rezident’i Ahmedinecadişi geçinadu, Turkia k’ala k’arta k’ont’akt’i omordinuşk’ele ren. Mogapape çkini oşkendari ren do çkar oinişa izni var meçamu domaç’irnan ” yado ğarğalu.
Oşkendari mogapape çkinişi gyoç’k’as İrak’işi p’roblemi ren na tkumers Davudik, İrak’işi dixaş artobaşi ok’oxvuşa mevodgitapt ya tku do; “İrak’işi mo3’qva do dixaşi artoba çkini şeni muk’onari beciti ren na Turkia şeniti ek’onari beciti ren. İrak’is mo3’qva şeni astaxolo artikartişa meşvelu domaç’irnan. Çkin İrak’is na ren maxe3ales mxuci mepçapt. Mara İrak’işi doloxeni dulyapeşa ak’atuşati mevodgitapt” ya tku. Davudik nenape muşis aşo noqonu; “İrani şeni PKK şi ak’t’iva3iape k’abuli na var ixvenen ar xali ren. Mara çkin PKK k’ala Kurdi xalk’işi tema artikartişen ok’ovortapt do Kurdi xalk’işi p’roblemepes na skidunan dobadonapes oçodinu dvaç’irs yado vicert. ”
|
TÜRKÇE
