|
TURKETURİ K'OLXEPEK ŞUÇAİŞ AĞANİ PASİ ÇUMERNAN
2005 3'anaşi şuçaiş Çaykurişi pasik maartani çaiş o3'iluş periodis 60 k'uruşişen gyoç'k'eret'u. Xususi oxoşkvaş çaişi fabrik'apekti, 55 va na 50 k'uruşişen, namtinipekti Çaykurişi artneri pasite şuçai yeç'operet'es. Majurani şuçaiş o3'iluşi periodis Çaykurişi şuçaiş pasik 65 k'uruşi, masumani çaisti 72 k'uruşi iqveret'u. Eşopeten 2005 3'anas, xususi oxoşkvaş fabrik'apekti majurani do masumani çaiş o3'iluşi p'eriodepes namtini orapes 5 k'uruşi tudele, namtini orapesti Çaykurişi artneri pasiten şuçai yeç'operet'es.
Şuçaiş pasişi politik'as, Çayk'urişi pasiş p'olit'ik'a dido dominant'i ren. Emuşeni ki jur sum 3'anaşen doni şuçai şeni na komeyiçinu Çaykurişi pasi, Turketuri K'olxepek va mo3'ondes. Jur 3'anaşen doni ar k’ilogrami şuçai şeni minimurot 250 k'uruş pasişi ğirsi çumernan mara na unonan ğirsi va yeç'opines.
Turketişi K'olxepek a3’i 2006 3’anas na niçinasen şuçaiş ağani pasi çumernan.
|
TÜRKÇE
