DUDBUT'K'A

AMAT'EURİ AR GOŞOGORA: LAZEPE

Raxmet’oni M. Recai Ozgunişk’elen na iç’aru “Lazepe” coxoni svara, 3’ilva 1996 tariğis Gamamçkumaloba Çiviyazilari şk’elen gamiçkvinu. Seria Mjoraşi maartani svara na ren Lazepe, gamaçkvalaşa Ozcan Sapan şk’elen ixazirinu. Svaraşi go3’otkvalas, dido 3’anapeşen doni ti-muşi na var oxva3’onaperen, sp’ek’ulat’ivi k’oment’arepe do çilaturi çkinapeşi tema na iqveren ar k’ult’ura, Turkias maartani fara ar Lazi şk’elen mç’ipaşaşi oqopinot na goşigorinu do na irabisk’alinu itkven.

Lazepeşi ist’oria, nena do k’ult’ura şeni ar rexberi na ren svaraşi doloxe tude na ç’ars burmepe ren:

- Generaluri oqopinot Lazepeşi ist’oria
- Lazepeşi mendaxtimupe do nak’onobaşi ak’sionepe
- Lazuri nenaşi st’ruk’t’ura
- Noderepe do nç’araloba muşi
- Merasimepe, ç’andape, şenobape
- Gomorgvaşi p’roblemape do k’idaşi t’ek’nik’a
- Sifteri
- Berepeşi sterapape
- T’radi3ialuri oç’k’omalepe
- Lazepeşi k’ronologia

Svaras xolo, Anatoliaşi mcveşi orapeşen andğaneri ndğaşakis Lazepe, Lazepeşi limape, dobarginuşi t’erit’oriape, mendaxtimuşi ak’sionepe, otkvaloni nç’aralobaşen berepeşi sterapapeşakis Lazepeşi folk’lori do Lazuri k’ult’uraşi p’roblemapeti iç’arineren. Svaraşi çodinas Lazepeşi ist’oriuli do k’ult’uruli ak’sioniş mk’ule ar k’ronologia geidvineren.

Ok’vandinuşi t’elefoniş nomeri: 0216 414 91 13



                                                                                                                                                              TÜRKÇE